Hong Kong-u forcon sigurinë në 25-vjetorin e kthimit të territorit

Në qendër të Hong Kong-ut u ngritën pengesa të mëdha për të krijuar një zonë të sigurisë të mërkurën e 29 qershorit.

Qindra taksi të vendit, të stolisura me flamuj të kuq kinezë dhe pankarta të kuqe festive, u parkuan në formën e numrit “25” në lagjen qendrore të qytetit.

Përtej portit në Kowloon, qindra flamuj kinezë dhe të Hong Kong-ut valëviteshin në ballkonet e dy ndërtesave të banimit, secila prej dhjetëra katesh.

E gjitha, sepse Hong Kong-u shënon të premten 25-vjetorin që kur territori iu kthye Kinës nga Britania.

Kështu që, autoritetet nuk po rrezikojnë duke u siguruar që dita të jetë e mbushur me madhështi dhe asnjë shenjë mospajtimi.

Presidenti i Kinës, Xi Jinping, do të marrë pjesë në një ceremoni që shënon përvjetorin, udhëtimin e tij të parë jashtë territorit të Kinës që nga fillimi i pandemisë.

Më 1 korrik 1997, territorit iu premtuan 50 vjet vetëqeverisje dhe liri të tubimit, fjalës dhe shtypit që nuk lejohen në territorin kinez të sunduar nga komunistët.

Teksa qyteti, me 7.4 milionë banorë shënon një çerek shekulli nën sundimin e Pekinit, këto premtime janë zhdukur.

Referuar një plani për të siguruar që dita të shkojë pa pengesa, stacionet e metrosë aty pranë do të mbyllen dhe autobusët do të ridrejtohen.

Sakaq, porti dhe zonat e tjera do t’u nënshtrohen zonave të përkohshme të kufizuara të udhëtimit.

Mundësia për kritika ndaj Xi, ose qeverisë së Hong Kong-ut të mbështetur nga Pekini, do të mposhtet.

Një nga grupet e pakta të mbetura pro-demokracisë në Hong Kong ka thënë se nuk do të organizojë protestë, pasi disa anëtarë të saj janë thirrur nga policia.

Mediave vendase dhe të huaja u është mohuar qasja në ngjarjen e së premtes nga autoritetet, duke përmendur pandeminë.

Disa media të miratuara kanë thënë se gazetarëve individualë iu është mohuar qasja, shumë vonë për të pasur një zëvendësues të kërkuar për disa ditë teste negative.

Mediat e Hong Kong-ut janë penguar që nga futja e ligjit të sigurisë kombëtare në vitin 2020. Gazetat dhe faqet e internetit janë detyruar të mbyllen, redaktorët dhe drejtuesit janë arrestuar.

Çka tregon se si Pekini ka zgjeruar vitet e fundit ndikimin dhe kontrollin e tij. Protesta është e paligjshme pas mitingjeve pro-demokracisë që u shtypën nga policia.

Tanimë, shkollat duhet të japin mësime mbi patriotizmin dhe sigurinë kombëtare, dhe disa tekste të reja mohojnë që Hong Kong-u të ketë qenë ndonjëherë një koloni britanike.

Marrë nga “The Guardian”, përshtatur për “Albanian Post”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.