Historia e shqiptarit që me çaj mali u ndalua në Britani për trafik hashashi është tregimi i një padrejtësie ndaj një komuniteti, shkruan Rama

Një histori aspak e zakontë ishte ajo e Agim Agajt, një 53-vjeçari shqiptar, i cili për 15 orë u mbajt i ndaluar nga Policia britanike sepse me vete kishte një bimë ikonike të vendit të origjinës, Shqipërisë, e cila në vetvete çaj mali, u ngatërrua prej policëve me hashashin!

Mbi tregimin e çuditshëm që britanikja “The Sun” nxorri të ndritë të premten e 30 marsit, ka reaguar edhe kryeministri shqiptar, Edi Rama, i cili përmes një postimi të gjatë në median e tij sociale Twitter, e ka detajuar dhe kanalizuar çështjen në rrëfimin e padrejtësisë që një komuniteti i bëhet, prej një stigme të fryrë dhe stereotipizimeve të gjithë gjindshme.

Frymë për këtë, Rama ka marrë nga Andi Hoxhaj, një profesor i drejtësisë në Britaninë e Madhe prej vitesh.

Ky i fundit e ka shpërndarë historinë e Agimit, duke referuar se portretizimi i shqiptarëve në retorikën e pushtetarëve në Mbretërinë e Bashkuar, mbi të gjitha muajt e fundit me çështjen e emigrantëve, çon edhe në të tilla “spektakle”, ku mendohet se çdo shqiptar – edhe ata që duan çajin e malit – janë trafikantë droge.

Kryeministri shqiptar, shtron fillimisht një pyetje: Çfarë po e shkakton një padrejtësi kaq të madhe në Britani, që edhe individë virtuozë, të vujanë kështu?

Përgjigjen, vetë Rama ia lë retorikës, por pa përmendur nuk e lë homologun e tij, Rishi Sunak, duke e ngacmuar më tej.

“Nuk jam i sigurt si do të ndihej miku im Sunak dhe si do të përballej me këtë gjë, nëse një shtetas britanik do të arrestohej në Shqipëri sepse me vete do të kishte çaj, por do të akuzohej se po tregtonte drogë”, shkruan Rama.

@Andi_Hoxhaj is a brilliant member of the Albanian community, teaching law in Britain, while Agim is a hardworking Albanian painter who paints houses for British people.What is causing such a grave injustice in Britain that these virtuous individuals are made to suffer like this? pic.twitter.com/QQYO7YFwEs

— Edi Rama (@ediramaal) April 1, 2023

Madje, ai thotë se prokurorët që u morën me Agimin, duhet të mbahen përgjegjës lidhur me çështjen.

Nga ana tjetër, premton kryeministri shqiptar, vendi është i gatshëm të ofrojë çdo ndihmë, për të luftuar rrjetin e krimit të organizuar.

Vetëm se, si mundet të pritet një bashkëpunim i mirë mes dy vendeve, nëse Britania nuk arrin të tregojë respekt për komunitetin shqiptar përmes veprimeve dhe jo fjalëve, parashtron ai sërish me retorikë pyetjen.

Në mbyllje, nuk ngurron as të falënderojë autorët e tekstit të rrëfimit, të cilët i dhanë dritë zërit të një njeriu punëtor, që ka emigruar në një shtet të madh si Britania.

Është gjithsesi për t’u lënë mënjanë fakti, se rrjeti shqiptar i trafikimit të drogës, është në fakt realisht një prej më të mëdhenjve në ishull?

Duhet shtruar edhe kjo pyetje….

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.