Hiqet kufizimi për pjesëmarrjen e tifozëve në stadium

Sot u zhvillua mbledhja e komitetit ekzekutiv të UEFA-së, ku merr pjesë edhe presidenti i Federatës Shqiptare të Futbollit, Armand Duka.

Sot u miratuan një sërë vendimesh të rëndësishme që kanë impakt të menjëhershëm në futbollin evropian, siҫ është pranimi i spektatorëve në stadiume, duke hequr kufizimin e pjesëmarrjes 30% që ishte vendosur nga Komiteti Ekzekutiv i UEFA-s më 1 tetor 2020.

Në të njëjtën kohë do të hiqet ndalimi për spektatorët që marrin pjesë në ndeshjet e futsallit.

Vendimi për pjesëmarjen totale të lejuar të spektatorit do të jetë nën përgjegjësinë eksluzive të autoriteteve përkatëse lokale ose kombëtare.

Në këtë vendim është ndaluar shpërndarja e biletave ose ftesave për tifozët udhëtues deri para finaleve të garave për klube të UEFA-s që do të zhvillohen në maj 2021.

Në këtë mbledhje u zgjat edhe afati për rregullimin e pesë zëvendësimeve në një ndeshje. Ky rregull do të zbatohet edhe në ndeshjet kualifikuesë për kupën e botës, “Qatar 2022”.

UEFA Euro 2021, finalet e Nation League dhe ndeshjet e këtij kompeticioni, po ashtu do kenë rregullin e pesë zëvendësimeve.

Vendimi i fundit i marrë në këtë mbledhje ishte ai për përcaktimin e skuadrave që do të marrin pjesë në Kupën e Botës së femrave FIFA U-20 në Kosta Rika në vitin 2022.

Pas anullimit të Kampionati Evropian U-19 për femra 2020-2021, e cila shërbente si kualifikuese për Kupën e Botës FIFA U-20, Komiteti Ekzekutiv miratoi përdorimin e koeficentit në raudin kualifikues të ekipeve për përcaktimin e ekipeve që kualifikohen në FIFA Youth World Cups.

Në përputhje me kriteret e miratuara ekipet që do të përfaqësojnë Europën në këtë kompeticion janë Spanja, Franca, Gjermania dhe Holanda.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.