Ministrja e Drejtësisë, Albulena Haxhiu, është takuar këtë të premte me ambasadoren e Mbretërisë së Holandës në Prishtinë, Carin Lobezzo, me të cilën kanë diskutuar për angazhimin e kësaj të fundit në forcimin e marrëdhënieve në mes dy vendeve respektive.
Siç njofton Ministria e Drejtësisë, Haxhiu ka theksuar mirënjohjen për përkushtimin dhe kontributin e diplomates holandeze në këtë drejtim.
“Bashkëpunimi me Ministrinë e Drejtësisë, veçanërisht në fuqizimin e drejtësisë tranzicionale do të mbetet një nga rezultatet më të mira të arritura në këtë partneritet”, theksohet në njoftim.
Tutje, tregohet se ambasadorja potencoi interesimin për rezultatet e arritura të Ministrisë së Drejtësisë për të cilat uroi që të vazhdohet në këtë formë edhe më tutje.
Ambasadorja Lobezzo do të nisë kapitullin e ri të saj, prandaj ministrja Haxhiu i uroi suksese, duke i shprehur miqësinë dhe mikpritjen e përhershme në Kosovë.