![](https://albanianpost.com/wp-content/uploads/2024/06/haxhiu-1.jpg)
Ministrja e Drejtësisë, Albulena Haxhiu dhe ministri i Punëve të Brendshme, Xhelal Sveçla, kanë vizituar të premten, Policinë e Kosovës, me qëllimin për të kuptuar më shumë rreth angazhimit të tyre në hetimin e krimeve të luftës.
Kështu është njoftuar përmes Policisë së Kosovës, në rrjetin social në Facebook.
“Fokusi i vizitës së ministrave, përveç tjerash, ishte te Drejtoria për Hetimin e Krimeve të Luftës, për të parë nga afër punën, angazhimin dhe përkushtimin e kësaj drejtorie në hetimin e krimeve të kryera gjatë luftës dhe sjelljen para organeve të drejtësisë së personave të dyshuar të cilët kanë kryer krime e gjenocid në Kosovë”, thuhet në njoftim.
Haxhiu e Sveçla të premten në takim u pritën nga zëvendësdrejtori i Përgjithshëm i Policisë së Kosovës, Fehmi Hoti.
Tutje, sipas PK-së, në takim u vlerësua se duhet të shtohet edhe më tej “angazhimi i përbashkët i hetimit, arrestimit dhe procedimit penal të të gjitha rasteve të krimeve të luftës tek organet e drejtësisë”.
Pjesë e këtij diskutimi ishin edhe stafi i drejtorisë për hetimin e krimeve të luftës të cilët kanë thënë se do të bëjnë përpjekje për të hetuar e kërkuar drejtësi lidhur me krimet që janë kryer në luftë.
“U ritheksua zotimi për të mos reshtur së hetuari e kërkuari drejtësi për krimet e luftës, si dhe u ofrua mbështetje e plotë ndaj Policisë së Kosovës, e në veçanti ndaj kësaj drejtorie mjaft të rëndësishme”, kanë shtuar nga PK-ja.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Osmani uron Sekretarin e ri të Këshillit të Evropës: Anëtarësimi i Kosovës, synim që do ta ndjekim pa pushim
-
Lajçaku shpreson që Kurti dhe Vuçiçi të shfaqin vizion dhe guxim në Bruksel
-
Kurti, rekordmeni i takimeve me Vuçiç-in
-
Kurti, delegacionit gjerman: Hulumtoni mundësitë dhe përparësitë që i ofron Kosova për investitorët e huaj
Lajmet kryesore
-
Kurti, rekordmeni i takimeve me Vuçiç-in
-
3.3 milionë turistë hynë në Shqipëri deri në maj, rritje me 38% nga viti i shkuar
-
Zemërimi i Melonit për përjashtimin mund të rezultojë në abstenim në Këshillin Evropian
-
Konstituimi i Komisionit të Dezinformimit – Opozita jo uniformë, Doda dhe Mediu të pranishëm