Përballje

Hattrick-u i Xhixhës i jep fitoren e thellë Tiranës kundër Teutës


Ndeshja e parë e xhiros së pestë në Abissnet Superiore mes KF Tiranës dhe Teutës përfundoi me fitoren e këtyre të parëve me rezultat të thellë 3:0.

Dueli ishte i dominuar nga vendasit, të cilët arritën fitoren e tyre të dytë në sezonin e ri të Abissnet Superiore.

Goli i parë erdhi pak para përfundimit të pjesës së parë, të cilin e shënoi Redon Xhixha në minutën e 43-të.

Me fillim të pjesës së dytë, u dyfishua epërsia nga tiranasit, të cilët këtë herë shënuan me anë të Florent Hasanit.

Për golin e tretë u përkujdes, Redon Xhixha, i cili shënoi për herë të dytë në ndeshje në minutën e 59-të.

Pak momente para përfundimit të ndeshjes, në minutën e dytë shtesë, Xhixha shënoi përsëri për të kompletuar hattrick-un e tij.

Teuta ka dështuar përsëri të gjej fitoren, të cilët ende nuk kanë arritur të sigurojnë ndonjë rezultat pozitiv në këtë sezon. Durrsakët kanë marrë tri barazime dhe dy humbje.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore