Hasani shprehet i bindur se Telekomi i Kosovës “do të falimentonte” nëse s’do ta fitonte një rast në arbitrazh

Ish-kryetari i Gjykatës Kushtetuese të Kosovës, Enver Hasani, në një intervistë për televizionin A të mërkurën, deklaroi se Telekomi i Kosovës do të falimentonte nëse do ta humbte një rast në arbitrazh, ndërsa shtoi se vendimi ia shpëtoi Telekomit të Kosovës rreth 20 milionë euro.

Profesori i të Drejtës dhe Marrëdhënieve Ndërkombëtare në Universitetin e Prishtinës, theksoi se është habitur nga drejtuesit e Telekomit të Kosovës, por edhe nga Lëvizja Vetëvendosje (LVV) në pushtet, të cilët, sipas tij, u lavdëruan për fitoren. “Unë jam krenar… Ata nuk kanë pasur lidhje”.

“Kam qenë në atë arbitrazh… Jam i sigurt se Telekomi i Kosovës do të bankrotonte nëse do ta humbte atë rast… më erdhi keq kur pashë përgjegjës të Telekomit të Kosovës… thuajse isha unë kundër atyre në arbitrazh… Ata nuk kanë asnjë lidhje… unë jam krenar…”, kujtoi ndër të tjera Hasani.

Shteti i Kosovës është dërguar në të paktën gjashtë raste në Gjykatën Ndërkombëtare të Arbitrazhit. Deri tani, tre nga rastet e mëdha kanë përfunduar në favor të shtetit, kurse disa të tjera janë ende në procedurë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.