Analisti në Qendrën për Analizën e Politikave Evropiane me qendër në Washington, Leon Hartwell, ka thënë se për shkak të tensioneve të fundit në Veri të Kosovës në dialog janë përfshirë edhe SHBA-ja, derisa shton se njohja e Kosovës nga Serbia do t’i hapte rrugë kësaj të fundit për anëtarësim në Bashkimin Evropian.
“Këmbëngulja e një zyrtari të lartë amerikan dhe retorika që ai përdori për të thënë se SHBA-ja është e gatshme të investojë energji të konsiderueshme diplomatike për të lehtësuar një marrëveshje normalizimi gjithëpërfshirës të bazuar në njohjen reciproke, tregon se tensionet e fundit në kufirin mes dy vendeve kanë ndikuar në Amerikë për t’u përfshirë në mënyrë më aktive në proces”, theksoi Hartwell për Zërin e Amerikës në gjuhën serbe.
“Për t’i zgjidhur të dyja çështjet, Serbia do të duhet të njohë pavarësinë e Kosovës dhe Vuçiç nuk u përpoq të ndikojë në opinionin vendas lidhur me këtë çështje. Shumica e qytetarëve serbë nuk do ta pranonin ofertën e anëtarësimit në BE në këmbim të njohjes së pavarësisë së Kosovës”.
Prandaj, ai mendon se “nëse Vuçiç do të ishte serioz për integrimin e Serbisë dhe normalizimin e marrëdhënieve me Kosovën, do të fillonte të ndryshonte narrativen për situatën aktuale”.
Ai thekson se e gjithë vëmendja e SHBA-së, Bashkimit Evropian dhe mediave është e përqendruar në faktin se Kosova refuzon të themelojë Asociacionin e Komunave me Shumicë Serbe.
“Megjithatë, Kosova ka zbatuar më shumë se 30 marrëveshje me Serbinë – e cila, nga ana tjetër, ka ngecje në zbatim. Duket se Beogradi e ka avantazhin në tavolinën e bisedimeve në krahasim me Prishtinën. Vëmendja duhet të përqendrohet më shumë në hezitimin e Serbisë dhe Beogradit për ta drejtuar dialogun në drejtim pozitiv”.
Derek Chollet: Ngjarjet në Veri i kanë dhënë rëndësi Asociacionit, të themelohet urgjentisht
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Maliqi: Serbia marrëveshje me ShBA-në, BE-në e Francën, Kosova ka mbetur në nivelin e Krahinës Autonome Socialiste
-
Haradinaj: Osmani i kërkoi Biden-it që Kosova ta propozojë draft-statutin e Asociacionit, Kurti e pengoi
-
Haradinaj: Kurti me politikën e tij të “showbiz”-it e bëri Serbinë partner më serioz të aleatët tanë
-
“A jemi edhe ne në Kosovë”, një qytetari shqiptar nga Veriu i shkon fatura e rrymës në cirilikë
Lajmet kryesore
-
Amerika nënshkruan marrëveshje miliardëshe me Serbinë në fushën e energjisë
-
Anëtarësimi në SEPA, Sejko: Po punojmë me ekspertët e Bankës Botërore
-
Zbulohet lufta në hije e Rusisë kundër Izraelit: Nxit pakënaqësinë arabe, tensionon marrëdhëniet me jashtë
-
Haradinaj: Osmani i kërkoi Biden-it që Kosova ta propozojë draft-statutin e Asociacionit, Kurti e pengoi
