Kryetari i Aleancës për Ardhmërinë e Kosovës (AAK), gjatë ditës së martë ka publikuar një letër përmes së cilës kishte lejuar varrosjen e vëllait Luan Haradinaj, i vrarë gjatë luftës së fundit në Kosovë nga forcat serbe.

“Pasi janë kryer të gjitha hetimet në kufomën e vëllait me dëshirën time të lirë dua ta varrosë trupin e vëllait tim Luan Haradinaj në varrezat e fshatit Vlahën të Rrethit të Hasit”, thuhet në letrën e publikuar nga Haradinaj.

Në këtë dokument Haradinaj, mes të tjerash, përshkruan se ku dhe kur është kryer vrasja.

“Vrasja e cila ka ndodhur në juglindje të fshatit Vlahne të rrafshit të Hasit në vendin e quajtur qafa e mullarit më datën 6 maj të vitit 1997”.

Ramush Haradinaj e kishte mbajtur kufomën e vëllait të tij të vrarë për katër orë mbi supe deri sa kishte arritur ta dërgojë në fshatin Vlanë, aty edhe ku ishte varrosur.

Ndërsa tash trupi i heroit Luan Haradinaj pushon te varrezat e dëshmorëve në Gllogjan të komunës së Deçanit.

Haradinaj, gjatë luftës së fundit në Kosovë, e kishte humbur edhe vëllain Shkëlzen Haradinaj, i cili ishte vrarë nga forcat serbe më 16 prill të vitit 1999.