“Hapja e rrugëve të reja për bashkëpunim është prioritet”, Osmani uron presidentin e Singaporit për Ditën Kombëtare

Presidentja e Kosovës Vjosa Osmani, e ka uruar presidentin e Singaporit, Tharman Shanmugaratnam, në Ditën Kombëtare duke kërkuar që bashkëpunimi mes dy vendeve të shkojë duke u thelluar.

Osmani përmes një shkrimi në rrjetin social ‘X’ ka thënë se partneriteti i qëndrueshëm mes Kosovës dhe Singaport është i rrënjosur në vlerat e përbashkëta.

“Urime presidentit Tharman dhe popullit të Singaporit për Ditën Kombëtare të Singaporit! Partneriteti i qëndrueshëm midis vendeve tona është i rrënjosur në vlerat e përbashkëta dhe një miqësi të gjatë”.

“Kosova është e përkushtuar për të ndërtuar mbi këtë themel, duke kërkuar rrugë të reja bashkëpunimi që pasqyrojnë frymën tonë të përbashkët të inovacionit dhe progresit në mes të Kosovës e Singaporit”, ka shkruar Osmani.

Congratulations to President @Tharman_S and the people of Singapore on Singapore's National Day!

The enduring partnership between our countries is rooted in shared values and a longstanding friendship. Kosovo is committed to building on this foundation, seeking new avenues of… pic.twitter.com/u4hothkije

— Vjosa Osmani (@VjosaOsmaniPRKS) August 9, 2024

Më 6 nëntor të 2023-së, Osmani, kishte udhëtuar për vizitë pune në Singapor gjatë së cilës ishte takuar me përfaqësues të lartë shtetëror, përfshirë presidentin e Singaporit, Tharman Shanmugartnam dhe kryeministrin e Singaporit, Lee Hsien Loong.

Në kuadër të kësaj vizite, presidentja Osmani kishte marrë pjesë në Forumin Ekomomik të organizuar nga gjigandi amerikan “Bloomberg” në Singapor, e ku ishte njëra ndër folëset kryesore në këtë forum.

Në fjalimin e saj, Osmani kishte thënë se Kosova ka nisur rrugëtimin e shtetndërtimit të bazuar në vlera dhe se janë angazhuar për të siguruar vendin e Kosovës në komunitetin ndërkombëtar.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.