Një grup hakerash të quajtur ‘Anonymous’ ka rrëzuar rrjetin social X, njohur më parë si Twitter, për disa orë të martën.
Kjo është bërë në përpjekje për të bërë presion mbi Elon Musk, shefi i kompanisë, që të aktivizojë shërbimin e internetit satelitor Starlink në Sudan.
Twitter ishte jashtë funksionit për më shumë se dy orë, duke ndikuar mijëra përdorues. ‘Anonymous’ postoi një mesazh për Elon Musk, ku kërkonte aktivizimin e Starlink në vendin e tyre.
Grupi u intervistua nga BBC, ku anëtarët e grupit treguan metodat dhe motivet e sulmit. Ata pohuan se sulmi ishte një lloj sulmi DDoS (Distributed Denial of Service), që synonte rritjen e ndërgjegjësimit për gjendjen civile në Sudan.
Të dhënat tregojnë për një sulm relativisht të thjeshtë dhe jo shumë të sofistikuar.
Hofa, një anëtar i grupit, tha se kjo veprimtari synonte të rritë ndërgjegjësimin për situatën civile në Sudan dhe për ndikimin e saj në internet.
Kompania X dhe Musk nuk janë deklaruar ende lidhur me sulmin dhe nuk është bërë asnjë koment mbi mundësinë e publikimit të Starlink në Sudan.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
