Ndeshja mes Manchester City-t dhe Copenhagës përfundoi me fitoren dominante të këtyre të parëve me rezultat 5:0.
Dueli filloi në mënyrën më të mirë të mundshme për City-n, ku Haaland shënoi në minutën e shtatë.
Në minutën e 32-të, ishte përsëri Erling Haaland i cili shënoi për të dyfishuar epërsinë.
Pas vetëm shtatë minutave, Khocholava shënoi autogol për të trefishuar epërsinë e City-t.
Në pjesën e dytë, u shënuan edhe dy gola të tjerë.
Në minutën e 55-të, Mahrez shënoi nga penalltia, dhe në minutën e 76-të, Alvarez shënoi për rezultatin përfundimtar 5:0.
Në anën tjetër, Real Madrid-i ka mposhtur me rezultat 2:1 Shakhtar Donetsk-in.
Goli i parë erdhi në minutën e 13-të, nga Rodrygo i cili e la të shtangur portierin e Shakhtar-it.
Pas vetëm 15 minutave, ishte braziliani tjetër që shënoi për Real Madrid-in, Vinicius Junior, i cili e dyfishoi epërsinë.
Në minutën e 39-të, Zubkov ngushtoi epërsinë, por kjo nuk ishte e mjaftueshme që Shakhtar të fitonte ndonjë pikë.
Ndeshja tjetër mes Sevilla-s dhe Dortmund-it përfundoi me fitoren e këtyre të fundit me rezultat 1:4.
Gjermanët shënuan tre gola në pjesën e parë, ku Guerreiro gjeti epërsinë në minutën e gjashtë.
Në minutën e 43-të, Bellingham shënoi për të dyfishuar epërsinë.
Ndërsa pas vetëm dy minutash, Adeyemi shënoi për 3:0.
Në pjesën e dytë, në minutën e 51-të, Sevilla gjetën golin me anë të En Nesyri-t.
Ndërsa për golin përfundimtar, u përkujdes Brandt, i cili shënoi në mintuën e 75-të.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Strategjitë dhe metodat e shpërndarjes së lajmeve të rreme për keqinformim – Si i përdor Kremlini?
-
Shpërthim me lëndë plasëse në banesën e gjyqtarit në Shkodër
-
Asunta, historia e vërtetë e vajzës 12-vjeçare të vrarë nga prindërit e saj: Burri i maskuar, qetësuesit, pornografia aziatike dhe varri pa emër
-
Arrestohet një serb në Bërnjak, dyshohet për krime lufte