Guvernatori që e ktheu Texas-in në Perëndimin e largët

“Jam në siklet. Texas-i mban veç vendin e dytë për blerjet e armëve të reja pas Kalifornisë. Texas, le ta rrisim shpejtësinë”.

Ky ka qenë postimi i shtatë viteve më parë në Twitter i guvernatorit të Texas-it, Greg Abbott.

Ai u rishfaq këto orë pas të shtënave në shkollën fillore Uvalde, ku u vranë 19 fëmijë dhe dy mësues.

Republikani i krahut të partisë së Trump-it është ndër mbështetësit më të vendosur të Amendamentit të Dytë – klauzola në Kushtetutën e SHBA-ve që sanksionon të drejtën për të qenë i armatosur.

Për të “përshpejtuar” përhapjen e armëve në shtetin e tij, nga shtatori 2021, të gjithë lejohen të mbajnë armë dhe pushkë në rrugë pa leje dhe pa asnjë trajnim.

Pas masakrës së djeshme në shkollën fillore Robb në Uvalde, guvernatori, që e transformoi Texas-in në një Perëndim të largët, mund të ishte penduar.

Por, deri më tani, ai ka shprehur vetëm ngushëllimet e tij për familjet e viktimave dhe ka shpallur flamujt në gjysmështizë për këtë “tragjedi të tmerrshme”, zi “jo vetëm për familjet e viktimave, por për të gjithë Texas-in”.

Pritet se çfarë do të thotë më 27 maj, në takimin vjetor të Shoqatës Kombëtare të Pushkëve, kryesore në mesin e shumë lobeve amerikane të armëve.

Takimi do të mbahet në Houston dhe Abbott është i ftuar si mbështetës dhe mikpritës.
Megjithatë, nuk pritet ndryshim kursi.

Mjafton të kujtohet se ligji i vitit 1927 u miratua vetëm dy vite pas dy masakrave të ngjashme që ndodhën.

Ajo raciste në një supermarket në El Paso, me 23 të vdekur, më 3 gusht 2019 dhe katër javë më vonë, më 31 gusht, ajo në rrugët e qyteteve Midland-Odessa, me shtatë të vdekur dhe 25 të plagosur.

64-vjeçari, në mandatin e tij të dytë si guvernator, është njeriu që e ka bërë Texas-in gjithnjë e më shumë një laborator të politikave konservatore edhe me masa kundër abortit dhe kundër imigracionit të paligjshëm.

Edhe qasja e tij për menaxhimin e pandemisë ishte e diskutueshme, pasi kundërshtoi bërjen e detyrueshme të maskave dhe vaksinave.

Para karrierës së tij politike, ai shërbeu si Prokuror i Përgjithshëm i Texas-it, shërbimi më i gjatë në historinë e shtetit me 12 vjet shërbim.

Abbott, më parë, ka qenë gjyqtar i Gjykatës së Lartë të Texas-it, i emëruar në vitin 1995 nga Guvernatori i atëhershëm George W. Bush.

Një karrierë e gjatë, gjithmonë në karrige me rrota.

Marrë nga “Corrire della Sera”, përshtatur për “Albanian Post”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.