Guardiola komenton transferimin e mundshëm të Gundogan-it te Barcelona

Ilkay Gundogan ka hyrë në vitin e fundit të kontratës me Manchester City, më saktësisht edhe pak ditë i kanë mbetur nga skadimi i marrëveshjes.

Raportimet në media e bënë “fakt të kryer” që mesfushori i Gjermanisë do t’i bashkohet Barcelonës, derisa këtë e ka komentuar edhe trajneri i City-t, Pep Guardiola.

“E di që Barcelona e do Gundogan-in dhe Xavi e ka telefonuar shumë herë”, ka thënë Pep Guardiola.

“Ne duam që ai të vazhdojë. Por, nëse në fund ai vendos të bashkohet me Barcelonën, unë do t’i them atij se ai do të kalojë një kohë të shkëlqyeshme”, tha Pep Guardiola.

Guardiola: “I know Barça love Gündogan and Xavi has called him many times. We want him to continue — if in the end he decides to join Barça, I will tell him that he will have a great time”. ✨🇩🇪

Gündogan when asked about Barça in press conference: “Barcelona is beautiful city!”. pic.twitter.com/HjS2dX5bI9

— Fabrizio Romano (@FabrizioRomano) June 19, 2023

Ndërkohë, kur Gündogan u pyet për Barcelonën në konferencën për shtyp, ai tha “Barcelona është qytet i bukur”.

Mbetet të shihet se cila do të jetë e ardhmja e 32-vjeçarit, nëse ai ka vendosur të largohet nga Manchester City pas shtatë vitesh.

Sezonin e fundit, ku City e fitoi “Tripletën”, Gundogan pati paraqitje shumë të mira, sidomos në finalen e FA Cup ndaj Manchester United-it, ku shënoi dy gola në fitoren e ekipit të tij me rezultat 2:1.

ndërkohë, gjatë shtatë sezoneve, Gundogan ka luajtur në 304 ndeshje në të gjitha garat me fanellën e City-t, prej të cilave shënoi 60 gola dhe dhuroi 40 asistime.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.