Drejtori i maternitetit të Shkodrës, Senad Halluni, deklaroi se 32-vjeçarja me iniciale O.G., e cila hodhi tragjikisht foshnjën e saj në lumin Kir, kishte refuzuar më herët regjistrimin e atësisë së fëmijës.
Policia e Shkodrës njoftoi zyrtarisht se shtetasja, e cila ishte banuese në fshatin Myselim, e ka hedhur trupin e foshnjës në lumë mbrëmjen e 6 janarit dhe është larguar nga vendngjarja.
Mëngjesin e 7 janarit ndërkohë, trupi i mbytur është gjetur dhe është bërë menjëherë arrestimi i shtetases, e cila tashmë gjendet nën akuzën e veprës penale “Vrasja me dashje”.
“Zonja ka refuzuar regjistrimin e atësisë së fëmijës. Ne kemi një protokoll për këtë proces. Ka rezultuar me një lindje normale në 30 janar, mashkull 3 kilogramë e 250 gramë. Zonja ka kërkuar dorëzimin në shtëpinë e foshnjës”, u shpreh fillimisht Halluni.
Sipas tij, më pas është bërë njoftimi i drejtorisë së shtëpisë së foshnjës për procedurat.
“Më datë 4”, shtoi shefi i maternitetit, “kemi kryer procedurat për t’u transferuar në shtëpinë e foshnjës, por ka refuzuar më pas”.
Në përmbyllje, zbulon mjeku, 32-vjeçarja ka nënshkruar që merr përsipër marrjen e foshnjës dhe ka dalë nga ambientet e maternitetit të Shkodrës.
Kujtojmë që materialet procedurale i kanë kaluar Prokurorisë pranë Gjykatës së Rrethit Gjyqësor Shkodër, për veprime të mëtejshme.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Pas Prizrenit, më 2 maj edhe Tirana e dekoron Ali Ahmetin me titullin “Qytetar Nderi”
-
Meloni mbron publikisht Ramën dhe shqiptarët: U linçuan nga Rai vetëm sepse donin të ndihmonin Italinë
-
Tritoli në banesën e gjyqtarit, KLGJ: Kërcënim serioz për gjithë shoqërinë
-
Shqipëria kampionia e verës për gjermanët
Lajmet kryesore
-
Meloni mbron publikisht Ramën dhe shqiptarët: U linçuan nga Rai vetëm sepse donin të ndihmonin Italinë
-
A mund ta përballojë BE-ja zgjerimin me Ukrainën dhe Ballkanin?
-
Macron dëshiron të hapë debatin mbi parandalimin bërthamor evropian
-
Përkrahja e Kurtit s’i ndihmoi VLEN-it t’i fitojë zgjedhjet, Kasami për AP: Bashkëpunimi do të vazhdojë