Futbollisti gjerman, Leon Goretzka, ka rinovuar kontratën me klubin e tij, Bayern Munich deri në verën e vitit 2026.
Kontrata e Goretzka-s skadonte në qershorin e ardhshëm dhe ishte folur shumë për një largim të tij nga Bayern-i, por drejtuesit e klubit bavarez ia dolën t’i ndryshojnë mendje dhe t’i zgjasin kontratën edhe për pesë vite.
Pas rinovimit me Goretzka-n, Bayern “blindon” thuajse të gjithë futbollistët e ekipit, me përjashtim të Correntin Tolisso dhe Nicklas Sule, të cilët kanë kontratë deri në verën e ardhshme.
Kujtojmë që Goretzka u transferua në “Allianz Arena” në verën e vitit 2018 si një transferim i lirë, pasi që nuk kishte vazhduar kontratën me ish-klubin e tij, Schalke.
Që nga ajo kohë, mesfushori gjerman ka qenë titullar i padiskutueshëm në formacionin e bavarezëve, derisa ka zhvilluar në total 117 ndeshje, ku ka realizuar 25 gola dhe ka dhuruar 27 asistime.
Velra e Goretzka-s në tregun aktual, sipas prestigjiozes “Transfermarkt”, llogaritet të jetë 70 milionë euro.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit
