Aplikacione

Google po prezanton një filtër kundër ngacmimit në mediat sociale për gazetarët


Njësia Jigsaw e kompanisë Google po nxjerr kodin për një mjet me burim të hapur kundër ngacmimit të quajtur Menaxheri i Ngacmimit.

I destinuar për gazetarë dhe figura të tjera publike, mjeti përdor Jigsaw’s Perspective API për t’i lejuar përdoruesit të klasifikojnë komentet e mundshme abuzive në platformat e mediave sociale.

Mjeti po debuton si kod burimor për zhvilluesit për t’u ndërtuar, më pas pritet të prezantohet si një aplikacion funksional për gazetarët e Fondacionit Thomson Reuters në muajin qershor.

Aktualisht, menaxhuesi mund të punojë me API-në e Twitter-it për të kombinuar opsionet e moderimit si fshehja e përgjigjeve në tweet-e ose bllokimi i llogarive me një sistem filtrimi dhe raportimi në masë.

Ai kontrollon gjuhën e mesazheve për nivelet e “toksicitetit” bazuar në elementë si kërcënimet, fyerjet dhe sharjet.

Kështu, i rendit mesazhet në radhë në një panel kontrolli, ku përdoruesit mund t’i adresojnë në grupe dhe jo individualisht përmes mjeteve të parazgjedhura të moderimit në Twitter.

Përdoruesit, pas kësaj, mund të zgjedhin të mbulojnë tekstin e mesazheve dhe nuk kanë nevojë të lexojnë secilin prej tyre.

Po ashtu mund të kërkojnë fjalë kyçe përveç përdorimit të radhëve të krijuara automatikisht.

Gjithashtu sistemi i lejon përdoruesit të shkarkojnë një raport të pavarur që përmban mesazhe abuzive.

Për momentin, nuk ka një aplikacion të pavarur që përdoruesit mund ta shkarkojnë.

Por zhvilluesit mund të ndërtojnë lirisht aplikacione që përfshijnë funksionalitetin dhe shërbimet e tij duke e përdorur atë që do të lancohet nga partnerë si Fondacioni Thomson Reuters.

Referuar Jigsaw, mjeti është veçanërisht i rëndësishëm për gazetaret që përballen me abuzime me bazë gjinore.

Ekipi shpreson që zhvilluesit mund ta përshtatin atë për përdoruesit e tjerë në rrezik të mediave sociale.

“Shpresa është që kjo teknologji të sigurojë një burim për njerëzit që po përballen me ngacmime në internet, veçanërisht gazetare, aktiviste, politikane dhe figura të tjera publike”, ka deklaruar njësia.

 

Marrë nga “The Verge”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore