Aplikacione

Google po përdor inteligjencën artificiale për të zbuluar më mirë kërkimet nga përdoruesit


Ka raste kur njerëzit ndodhen në një krizë personale dhe i drejtohen një burimi jopersonal të mbështetjes siç është motori i kërkimit Google.

Kompania, çdo ditë bën kërkime për tema si vetëvrasja, sulmet seksuale dhe abuzimi në familje.

Por dëshiron të bëjë më shumë për t’i drejtuar njerëzit drejt informacionit që u nevojitet.

Sipas Google-it, teknikat e reja të inteligjencës artificiale që analizojnë më mirë kompleksitetin e gjuhës po ndihmojnë për këtë.

Në mënyrë të veçantë, kompania po integron modelin më të fundit të mësimit të makinerive, MUM, në motorin e kërkimit për të “zbuluar më saktë një gamë më të gjerë të kërkimeve personale të krizave”.

Kompania e ka zbuluar MUM-in vitin e kaluar dhe që atëherë e ka përdorur atë për të shtuar kërkimin me veçori që përpiqen t’u përgjigjen pyetjeve që lidhen me kërkimin origjinal.

Kështu, MUM do të jetë në gjendje të dallojë pyetjet e kërkimit që lidhen me situata të vështira personale që mjetet e mëparshme të kërkimit nuk kanë mundur t’i trajtojnë.

Kështu ka bërë me dije Anne Merritt, menaxhere e produkteve të Google-it për shëndetin dhe cilësinë e informacionit.

“MUM është në gjendje të na ndihmojë të kuptojmë pyetje më të gjata ose më komplekse”, ka thënë ajo.

Kur Google-i zbulon kërkime të tilla krizash, përgjigjet me një kuti informacioni që u thotë përdoruesve se “Ndihma është e disponueshme”.

Zakonisht, shoqëruar nga një numër telefoni ose faqe interneti për një organizatë bamirësie për shëndetin mendor.

Përveç përdorimit të MUM-it, Google-i po përdor gjithashtu një model më të vjetër të gjuhës së inteligjencës artificiale, BERT, për të identifikuar më mirë kërkimet që kërkojnë përmbajtje të qartë si pornografia.

Përmes BERT, kompania ka “reduktuar rezultatet tronditëse të papritura me 30 për qind” nga viti në vit.

Kështu, Google-i dëshiron të tregojë se inteligjenca artificiale po e ndihmon kompaninë të përmirësojë produktet e saj të kërkimit.

Veçanërisht në një kohë kur ekziston një narrativë se “kërkimi në Google po vdes”.

Por integrimi i kësaj teknologjie vjen me anët e saj negative.

Ekspertët paralajmërojnë se përdorimi në rritje i modeleve të gjuhëve të mësimit të makinerive nga Google-i mund të shfaqë probleme të reja për kompaninë, si futja e paragjykimeve dhe keqinformimeve në rezultatet e kërkimit.

Gjithashtu sistemet e inteligjencës artificiale janë të errëta, duke u ofruar inxhinierëve njohuri të kufizuara se si ata arrijnë në përfundime të caktuara.

 

Marrë nga “The Verge”, përshtatur për “Albanian Post”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore