“Gjykim skandaloz dhe puro politik” – Mërzia për dënimin e shokëve në zyrat e OVL të UÇK-së

Dënimin e bashkëluftëtarëve të tyre veteranët e Ushtrisë Çlirimtare të Kosovës e pritën në zyrat e organizatës.

Të mërzitur janë, por rezultat tjetër s’prisnin.

Për ta është e thjeshtë, “Gjykata Speciale është puro politike”.

Vendimi i saj për t’i dënuar Hysni Gucatin e Nasim Haradinajn me nga katër vjet e gjysmë burgim “skandaloz”.

Albanian Post ka qëndruar në zyrat e OVL-së, derisa seanca vendimtare për Gucatin e Haradinajn zhvillohej në Hagë.