Gjykata e Lartë arrin kuorumin, Kim përshëndet dekretimin: Një hap i madh përpara për reformën në drejtësi
“Një hap i madh përpara për reformën në drejtësi: Gjyqtari i 13-të i Gjykatës së Lartë u dekretua sot, duke u dhënë mundësi dhomave të bashkuara të arrijnë përfundimisht kuorumin pas pesë vitesh”.
Kështu është shprehur ambasadorja e SHBA-ve në Tiranë, Yuri Kim, e cila ka përshëndetur dekretin e gjyqtarit të 13-të të Gjykatës së Lartë në Tiranë.
“Kjo do të thotë se Gjykata e Lartë tani është në gjendje të kryejë të gjitha funksionet, të shqyrtojë më shumë raste dhe të ndryshojë ligjet gjyqësore në mënyrë racionale”, vijon postimi i saj.
Sipas saj, e gjitha kjo është bërë e mundur falë bashkëpunimit të mirë mes institucioneve të drejtësisë dhe Presidencës.
“Shpresojmë që kjo të vazhdojë”, vë theksin Kim.
Ajo e ka përmbyllur postimin e saj në median sociale Twitter se, “reforma në drejtësi nuk ka qenë e lehtë, e shpejtë apo e përsosur, por përfundimisht po ecën përpara dhe po prodhon rezultate reale”.
1/2 Big step forward for justice reform: 13th High Court judge was decreed today, enabling the joint chambers to finally achieve quorum after 5 years. This means High Ct is now able to perform all functions, review more cases & amend case laws rationally. https://t.co/PBu2kKVWro
— Ambassador Yuri Kim (@USAmbAlbania) June 3, 2022
Presidenti i Republikës, Ilir Meta, dekretoi më herët emërimin e Sokol Ngresit, gjyqtar të Gjykatës së Lartë.
Gjykata e Lartë, me këtë emërim të ri, u bë me 13 gjyqtarë, nga 19 anëtarë që duhet të ketë.
Tanimë, gëzon kuorumin e nevojshëm (2/3 e anëtarëve) për t’u mbledhur dhe për të gjykuar në Kolegjet e Bashkuara.
Gjykata, nga sot, rikthehet në funksionalitet për të shqyrtuar çështje në Kolegje të Bashkuara dhe për të përmbushur plotësisht misionin dhe autoritetin e saj sublim për çështje që kanë nevojë për kuptimin dhe unifikimin e zbatimit të ligjit.
Këtë, duke i siguruar të gjithë sistemit gjyqësor zhvillimin/ndryshimin e praktikës gjyqësore, unifikimin e jurisprudencës, dhe një qëndrim uniform lidhur me çështje të ndryshme juridike në funksion të interesit publik, në respektim të të drejtave dhe lirive themelore të njeriut në dhënien e drejtësisë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Sejko: Shqipëria me ecurinë më të mirë të kreditimit në rajon
-
700 fashikuj për koncesionin e sterilizimit, Beqaj ‘ngujohet’ 7 orë në SPAK: Lexova 15, dua të pyetem sërish
-
Qeveria emëron Gentian Gjylin në krye të ARRSH pas arrestimit të Berberit
-
Sekuestrohen 7 vila në Mullet, 10 persona merren të pandehur nga Prokuroria
Lajmet kryesore
-
Hapat – në detaje – drejt anëtarësimit të Kosovës në Këshillin e Evropës
-
700 fashikuj për koncesionin e sterilizimit, Beqaj ‘ngujohet’ 7 orë në SPAK: Lexova 15, dua të pyetem sërish
-
Fjalët e paqarta të Putin për F-16: Do të jenë një objektiv legjitim kudo që të jenë
-
Sejko: Shqipëria me ecurinë më të mirë të kreditimit në rajon