Gjykata e Durrësit ka caktuar këtë të enjte të 20 prillit masën e sigurisë “arrest shtëpie” për Kleviol Ahmetin, reperin e njohur si Cllevio Serbiano.
Ai u arrestua më 16 prill pas denoncimit të bërë nga Rigels Rajku, i njohur ndryshe si Noizy, nën akuzën se i kishte shkaktuar ankth pas kërcënimeve për jetën.
Tri ditë më parë reperi ka vendosur që ta tërheqë kallëzimin ndaj Ahmetit.
Ky i fundit u arrestua në Rinas, pasi Noizy e kishte akuzuar se e kishte kërcënuar dhe i kishte shkaktuar ankth dhe frikë.
Por përmes një postimi të gjatë të bërë në mediat sociale, Noizy bëri të ditur publikisht se do tërheqë kallëzimin, duke theksuar se ky vendim është marrë pas bisedimeve me vëllain e Cllevio-s.
“Unë s’jam gangster, por ajo është gjeja me e lehtë të bëhet. Sërish ndoqa zemrën dhe vendosa mos ta prek më me dorë por të merret shteti. Gjithsesi sërish u bëra pishman, sepse s’dua të përfundojë asnjë person i mbyllur për shkak meje”, shkruan Noizy.
Ai theksoi se kishte vendosur të shkojë ta takojë vetë Cllevion, duke i dhënë paralajmërimin e fundit.
Po ashtu ka thënë se nëse ndodh sërish, nuk do ketë më sqarime për veprimet që do bëjë.
“Kam vendos të shkoj nesër ta takoj dhe ta paralajmëroj për herë të fundit. Ky është sqarimi im i fundit për këtë gjë, nëse edhe një herë të vetme do më provokojë mos më thoni pastaj pse”.
Në sqarimin e tij Noziy përmend të gjitha rastet e përndjekjes nga Cllevio, që nga konfrontimi fizik në Currila dhe vendosja e tritolit.
“Pastaj me ndodhi tritoli e mbani mend? Sigurisht që po. Iku dhe kjo. Shkova takova një mikun tonë të përbashkët “pedagogu” sepse ai miku jonë më thirri vet për shkak se e din se çfarë mund te bëjë mendja jote e cekët dhe me sugjeroj disa gjera se si mund të zbus ty dhe si mund të bëhemi miq”.
Përndoqi dhe kërcënoi Noizy-n, arrestohet Kleviol (Cllevio) Ahmeti
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Konfindustria: Të ulet çmimi i karburantit, treg oligopol
-
Policia ka realizuar 95 operacione gjatë prillit, 120 shtetas të proceduar për dhunë në familje
-
Mbytja e nënës me tre fëmijët në Shkodër, palombarët kërkojnë ndihmën e Ushtrisë
-
Në Ballkanin Perëndimor gratë po vriten – është koha për të marrë masa
