Presidenti i Malit të Zi, Milo Gjukanoviç, të enjten e 15 shtatorit do të fillojë konsultimet për formimin e qeverisë së re të Malit të Zi.
Ai do të takohet me përfaqësuesit e partive politike në vend, përkatësisht me formacionet politike që aktualisht janë duke bërë përpjekje për zgjedhjen e mandatarit të ri.
“Konsultimet me Partinë Demokratike të Socialistëve, Frontin Demokratik dhe Demokratët e Malit të Zi janë planifikuar për të enjten (15 shtator 2022)”, thuhet në njoftimin për media nga Zyra e Presidentit të Malit të Zi, transmeton mediumi malazez ‘Analitika’.
Pas takimit të kryetarëve të partive që përbëjnë shumicën parlamentare, një nga liderët e formacionit proserb ‘Frontit Demokratik’, Andrija Mandid, tha se Miodrag Lekic ishte personi për të cilin u diskutua si mandatar i ardhshëm.
Parlamenti malazez më 20 gusht votoi pro mocionit të mosbesimit ndaj qeverisë së udhëhequar nga Dritan Abazoviç.
Për shkarkimin e Qeverisë votuan 50 deputetë të pranishëm dhe një kundër. Parlamenti i Malit të Zi ka gjithsejtë 81 deputetë. Për rrëzimin e një qeverie duhen 41 ose më shumë.
Ndryshe, kryetari i delegacionit të Parlamentit Evropian për Malin e Zi, Vladimir Bilçik, ka ritheksuar pozicionin e tij se një qeveri ku bënë pjesë partia pro-serbe ‘Fronti Demokratik’ (DF), nuk e ka mbështetjen e Bashkimit Evropian.
“Ne në institucionet e Bashkimit Evropian kemi dyshime serioze se Qeveria me DF-në të do të mund të punonte me përkushtim në integrimin evropian të Malit të Zi”, kishte theksuar ai.
Sipas tij, një qeveri me këtë përbërje vazhdimisht do të hidhte në dyshim perspektivën evropiane të Malit të Zi.
Fronti Demokratik në vitin 2018 kishte nisur një peticion për tërheqjen e njohjes së Kosovës, së bashku me një grumbull partish dhe organizatash pro-serbe, zyrtarë të të cilëve edhe kishin vizituar Mitrovicën e Veriut.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Debate në Këshillin Bashkiak të Himarës, mbështetësit e Belerit kërkojnë largimin e Tavos dhe Klosit
-
Trafikonin kanabis nga SHBA-të në Shqipëri me postë, 2 në pranga
-
Shënjestrimi i inflacionit dhe kursi i lirë i këmbimit po funksionojnë, thotë Sejko
-
Raportohet se BE po përgatit pozitë të re për Lajçak-un
Lajmet kryesore
-
Si mashtroi Kurti se Kosova e ka “shumë afër” padinë për gjenocid ndaj Serbisë – qe 3 vjet, padia askund
-
Debate në Këshillin Bashkiak të Himarës, mbështetësit e Belerit kërkojnë largimin e Tavos dhe Klosit
-
Paralajmërimi i kryeministrit polak: Lufta në Evropë është një rrezik real, por ne nuk jemi gati
-
Raportohet se BE po përgatit pozitë të re për Lajçak-un