Shqipëria

Gjirokastër: Po transportonte emigrantë të paligjshëm, arrestohet 35-vjeçari nga Kosova


Policia e Gjirokastrës ka vënë në pranga një 35-vjeçari kosovar, i cili transportonte gjashtë emigrantë të paligjshëm.

Falë operacionit policor të koduar “Road Guard 29”, u bë i mundur arrestimi në flagrancë i shtetasit S. B., 35 vjeç, banues në Kosovë.

Në aksin rrugor Këlcyrë-Ura e Leklit, në afërsi të fshatit “Kodër”, shërbimet e Policisë pasi ndalën këtë shtetas zbuluan se ai po transportonte me automjetin “Volkswagen” gjashtë emigrantë të paligjshëm nga vendet MENA, kundrejt fitimit.

Në cilësinë e provës materiale u sekuestruan automjeti, një aparat celular dhe një shumë parash.

Materialet i kaluan Prokurorisë pranë Gjykatës së Shkallës së Parë Gjirokastër, për veprën penale “Dhënia ndihmë për kalim të paligjshëm të kufijve”.

/Albanianpost.com


Lajmet kryesore