Gjermania nën presion, duhet të mbështesë planin e kufirit të gazit në samitin e BE-së

Gjermania po përballet me presionin nga vendet anëtare të BE-së për të rënë dakord për një tavan mbi çmimet e gazit.

Kjo kërkesë ka ardhur teksa liderët mblidhen për një samit të tensionuar në Bruksel që synon të adresojë dëmin ekonomik në rritje nga kriza energjetike.

Kancelari Olaf Scholz i tha Bundestagut të enjten se një “kufi i çmimit të vendosur politikisht” për gazin do të rrezikonte devijimin e gazit drejt vendeve të tjera që ofronin një çmim më të lartë.

Kjo bën që të minohen përpjekjet evropiane për të mbështetur furnizimet, ndërsa Rusia shkurton eksportet në bllok pas pushtimit të Ukrainës.

Disa vende të tjera anëtare të BE-së, duke përfshirë Francën, Italinë, Spanjën dhe Belgjikën, po kërkojnë të gjitha për një tavan në çmimin e gazit, megjithëse ata ndryshojnë në mekanizmin e saktë për ta arritur këtë.

Vende të tjera po kërkojnë gjithashtu që Brukseli të propozojë fonde shtesë në nivel të BE-së për të lehtësuar krizën dhe për të përshpejtuar përpjekjen e bllokut për pavarësi energjetike nga Rusia. Kjo është një shtytje që tani po mbështetet nga presidentja e Komisionit Evropian Ursula von der Leyen.

Me të mbërritur në samitin dy-ditor, Emmanuel Macron, presidenti francez, bëri thirrje për veprim të unifikuar.

“Ne duhet të ulim çmimet e gazit dhe, rrjedhimisht, çmimet e energjisë elektrike”, u tha ai gazetarëve.

“Ne duhet të dërgojmë një mesazh të fortë në këtë drejtim me disa instrumente që do të diskutojmë”.

Macron aludoi për tensionet me Gjermaninë: “Unë mendoj se nuk është mirë – as për Gjermaninë, as për Evropën – që Gjermania të izolohet”.

Kryeministri polak Mateusz Moraëiecki tha se ai besonte se gjithnjë e më shumë liderë po lëviznin pas kufirit të çmimit dhe se komisioni duhej të lëvizte shpejt për të riparuar tregun.

“Gazi i lirë rus duhej të ishte një bekim për ekonominë gjermane, por doli të ishte një mallkim për të gjithë Evropën”, tha ai.

Të gjitha vendet sot e shohin këtë si dështim të politikanëve gjermanë.

Gjermania është kritikuar për paketën e saj të madhe të mbështetjes prej 200 miliardë eurosh për bizneset dhe familjet, duke përdorur fuqinë fiskale që u mungon shumë prej shteteve më të vogla anëtare dhe potencialisht duke anuar tregun e përbashkët. Ajo i ka rezistuar propozimeve për ndërhyrje më agresive për të zbutur çmimet e energjisë.

Scholz tha se Berlini po shikonte nga afër mekanizmin e propozuar të komisionit për kufirin e çmimeve emergjente, por ai shtoi se ishte kritike që BE të bashkëpunonte ngushtë me aleatët për marrëveshjet e gazit. Ai u bëri thirrje prodhuesve të mëdhenj të gazit, përfshirë SHBA-të, për të ndihmuar në sigurimin e çmimeve të përballueshme të energjisë në Evropë.

Berlini po kërkon gjithashtu që BE të inkurajojë vendet të bëjnë shpime për gaz në fusha të reja, sipas projekt-konkluzioneve të samitit.

Blloku duhet të punojë “me vendet që kanë kapacitetin për të zhvilluar fusha të reja gazi, si pjesë e angazhimeve të Marrëveshjes së Parisit për Klimën” sipas dokumentit – një veprim që do të shkonte kundër premtimeve të Berlinit për të mos mbështetur zhvillimin e projekteve të karburanteve fosile jashtë shtetit.

Gjermania nuk është e vetmja që është skeptike për kufijtë e çmimeve. Vende të tilla si Holanda dhe Hungaria, si dhe vendet skandinave dhe baltike janë gjithashtu të kujdesshëm ndaj lëvizjes.

Tavani për çmimin e gazit: BE-ja kërkon një kompromis, por Gjermania nuk është e gatshme

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.