Gjykata Evropiane e të Drejtave të Njeriut (GJEDNJ), ka vendosur, të enjten e 8 prillit, se vaksinimet e detyrueshme janë të ligjshme dhe mund të jenë të nevojshme në shoqëritë demokratike.
Vendimi erdhi pas përfundimit të një ankese të sjellë në gjykatë nga disa familje Çeki, në lidhje me dozat e detyrueshme për fëmijët.
“Masat mund të konsiderohen si” të domosdoshme në një shoqëri demokratike “, lexohej në vendimin e gjykatës.
Megjithëse vendimi nuk merrej drejtpërdrejtë me vaksinat Covid-19, ekspertët besojnë se mund të ketë implikime në vaksinimin kundër virusit. Veçanërisht për ata që kanë deklaruar se e refuzojnë marrjen e vaksinës.
një ekspert ligjor i specializuar në GJEDNJ, Nicolas Hervieu, tha se ky gjykim “përforcon mundësinë e një vaksinimi të detyrueshëm në kushtet e epidemisë aktuale Covid-19”.
Vendimi i gjykatës
Vendimi tha që vaksinat e detyrueshme të administruara nga autoritetet shëndetësore çeke ishin në përputhje me “interesat në të mirë” të fëmijëve.
“Objektivi duhet të jetë që çdo fëmijë të mbrohet kundër sëmundjeve të rënda, përmes vaksinimit ose për arsye të imunitetit të popullsisë në tërësi”.
Gjykata vendosi që politika shëndetësore çeke nuk ishte në shkelje të Nenit 8 mbi të drejtën për të respektuar jetën private në përputhje me Konventën Evropiane për të Drejtat e Njeriut.
Sipas ligjit çek, fëmijët duhet të vaksinohen kundër nëntë sëmundjeve duke përfshirë difterinë, tetanozin, kollën e mirë, hepatitin B dhe fruthin.
Çështja u soll në gjykatë nga familjet që ishin gjobitur, ose fëmijëve të të cilave u ishte refuzuar hyrja në një çerdhe për mosrespektimin e detyrës së tyre ligjore të vaksinimit.
Një precedent për vaksinimet Covid-19
Vendet në të gjithë Evropën kanë parë një dezinformim në lidhje me pandeminë.
Kjo ka bërë që njerëzit jo vetëm të jenë skeptikë për vetë coronavirus-in, por edhe për vaksinat Covid-19.
‘Anti-vaksinë’ njerëzit që nuk pranojnë të marrin vaksina, ose të vaksinojnë fëmijët e tyre, kanë përhapur teori të ndryshme konspirative rreth asaj se përse qeveritë duan të vaksinojnë popullsinë e tyre.
Si rezultat, qeveritë po luftojnë me një numër të madh të shoqërisë, të cilët nuk pranojnë të vaksinohen. Duke e bërë kështu qëllimin e imunitetit të të gjithë popullsisë, shumë më të vështirë.
Megjithëse vendimi nga GJEDNJ-ja, mund të ketë krijuar precedentin që vaksinimet e detyrueshme nuk bien ndesh me Konventën Evropiane për të Drejtat e Njeriut. Por kjo nuk do të thotë që vendet Evropiane do të detyrojnë njerëzit të vaksinohen.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Të ‘mbarojmë punë me Rai-n’, pastaj radha për interpelancë me Bardhin, thotë Rama
-
SPAK përfundon hetimet për ish-përgjegjësit e IKMT Sarandë, dërgon çështjen në GJKKO
-
Tensione sërish te Bashkia Tiranë, protestohet me molotov
-
Prokuroria Elbasan konfirmon se personi i vrarë në burgun e Peqinit është Arben Lleshi
Lajmet kryesore
-
Të ‘mbarojmë punë me Rai-n’, pastaj radha për interpelancë me Bardhin, thotë Rama
-
Tensione sërish te Bashkia Tiranë, protestohet me molotov
-
Amerika autorizon Ukrainën të godasë Krimenë me raketa me rreze të gjatë
-
Rashiç beson se Qeveria do ta dërgojë draft-statutin e Asociacionit në Kushtetuese para anëtarësimit në KiE