Kryetarja e Listës Guxo, njerherit zëvendëskryeministre e Kosovës, Donika Gërvalla, ka hedhur një mal me akuza për kryetarin e Lidhjes Demokratike të Kosovës, Lumir Abdixhikun dhe ish-kryetarin Isa Mustafa.
Po Abdixhikun, Gërvalla ka thënë se nuk flet kurrë për LDK-në dhe se e ka hequr nga zyra fotografinë e ish-presidentit Ibrahim Rugova, pos ishte zgjedhur i pari i kësaj partie.
“Lumir Abdixhiku kurrë nuk flet për LDK-në, ai flet për lidhjen, për një rrugë të re. Ai ka hequr fotografinë e presidentit Ibrahim Rugova nga zyra, sepse atij i mjafton vetëm pasqyra”, tha Gërvalla në një intervistë për Tëvë 1 të martën.
Kur është pyetur për largimin nga LDK-ja pjesë e së cilës ishte për gati tri dekada, Gërvalla ka theksuar se LDK-ja që ajo mendon “nuk ekziston më”.
“Jam larguar nga LDK-ja pas 27 vjetësh, pasi kjo parti kishte degraduar edhe në nëndegë dhe kjo ishte e dhimbshme. LDK-ja që unë mendoj nuk ekzistonte më. Me këtë strukturë të LDK-së nuk ka kthim mbrapa, ata i kanë humbur votuesit dhe parimet e tyre”, shtoi.
Kryediplomatja kosovare nuk ka pasur fjalë të mirë as për ish-kryetarin e kësaj partie, Isa Mustafën, për të cilin ka thënë se sa ka qenë në LDK-së “e ka luftuar këtë parti” dhe e ka degraduar sa ishte kryetar.
“Në kohën kur Isa Mustafa u bë kryetar i LDK-së, ishte një njeri që nuk e lidhte asgjë me LDK-në, i cili në vazhdimësi në Gjermani ka luftuar LDK-në me të gjitha mjetet, qoftë për organizimin e LDK-së në Kosovë edhe për presidentin. Qoftë për deklaratat e tij të pamatura të rrezikshme në mesin e qytetarëve të shumë në Gjermani kur kemi pasur aktivitete të përbashkëta”, potencoi Gërvalla.
Ajo ka shtuar se është përpjekur në vazhdimësi “ta ndalë degradimin e LDK-së”, derisa treguar se “kemi pasur në pengesa dhe nuk kemi qenë të suksesshëm”.
Gjatë kësaj interviste, ajo ka nënvizuar se me Listën Guxo, të cilën e drejton bashkë me Faton Pecin, mezi i presin zgjedhjet e ardhshme parlamentare për të marrë pjesë.
“Ne kemi formuar një listë në preteritit me LVV-në dhe tashmë i kemi konsoliduar strukturat partiake edhe mezi po presim zgjedhjet për të marrë pjesë”, përfundoi ajo.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ndalohet edhe një person për spiunazh nga rajoni i Mitrovicës
-
Biserko: Serbia po pret ndryshimin e kontekstit ndërkombëtar, që do t’i shkonte për shtati
-
Kosova dhe Serbia takim në Bruksel javen e ardhshme, në nivel të kryenegociatorëve
-
Kurti i bie pishman në Bruksel për takim me Vuçiç-in: Kërkova garancione
Lajmet kryesore
-
Borrell: Kosova s’ishte e gatshme për takim trelateral, Kurti paraqiti tri kushte
-
Grusht shteti në Bolivi, presidenti i kërkon qytetarëve të dalin rrugëve dhe ta mbrojnë
-
Rama flet rreth “dashurisë së verbër” për Evropën dhe zbulon nëse Netanyahu do të arrestohej në Shqipëri pas vendimit të GJNP-së
-
Ndalohet edhe një person për spiunazh nga rajoni i Mitrovicës