Videografi i Agence France-Presse, Arman Soldin, ka vdekur në Ukrainë, tha shërbimi francez i lajmeve në Twitter.
Sipas agjencisë së lajmeve, Soldin, i cili ishte koordinatori i videove të AFP-së në Ukrainë, u vra nga gjuajtja me raketa pranë periferisë së Bakhmut-it.
“Jemi të dërrmuar kur mësuam për vdekjen e gazetarit të AFP-së, Arman Soldin në Ukrainën lindore sot”, shkroi shërbimi francez në Twitter. “Të gjitha mendimet tona shkojnë për familjen dhe të dashurit e tij”.
Gazetari iu bashkua agjencisë në vitin 2015 si praktikant, pas së cilës iu bashkua zyrës së saj në Londër.
Sipas Reporterëve pa Kufij, Arman Soldin u bë të paktën punonjësi i 11-të i medias që u vra në Ukrainë që nga fillimi i pushtimit rus më 24 shkurt 2022.
Vetëm muajin e kaluar, korrespondenti i edicionit italian të La Repubblica, Corrado Zunino, mbeti i plagosur në hyrje të Kherson-it, pasi makina në të cilën ai udhëtonte me fiksuesin e tij u qëllua me armë zjarri.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Vazhdon gjyqi ndaj ish-krerëve të UÇK-së
-
Punëtorët e ndihmës në Lampedusa dënojnë planin e Mbretërisë së Bashkuar për Ruandën, pas vizitës së Cleverly
-
Biden dhe Netanyahu flasin, ndërsa presioni rritet mbi bisedimet e armëpushimit në Rafah dhe Gaza
-
Çfarë parashikon projektligji me kushtet e reja për abortin dhe lindjet invitro?