Gazeta sllovene shkruan se Pahor mund të zëvendësojë Lajçakun si ndërmjetës në dialogun Kosovë-Serbi

Gazeta sllovene “Delo” në një artikull kushtuar Presidentit të Sllovenisë, Borat Pahor, e ka trajtuar si njeriun e mundshëm për ta zëvendësuar ndërmjetësin e Brukselit për dialogun Kosovë-Serbi, Miroslav Lajçak.

“Burimet tona nga Brukseli na thonë se janë të interesuar në njërën nga funksionet e BE-së në Ballkan. Në fakt, është një proces vetë-nomimi. Nuk do të ishte e befasishme që Pahor të hyjë në analet e historisë së politikave të gabuara të BE-së në Ballkanin Perëndimor”, ka thënë “Delo”, Zijad Beçiroviç, drejtori i Institutit Ndërlombëtar Ifimes për Studime Ballkanike në Ljubljanë për gazetën sllovene.

Në një pyetje dërguar Zyrës së Presidencës së Republikës së Sllovenuisë, nëse Pahori është i interesuar që me të skaduar mandati i Miroslav Lajçak synon ta merr atë pozitë, përgjigja për “Delo”-n ka qenë as mohuese e as pohuese.

“Sipas ligjit, Presidenti ka për qëllim të jetë në zyrën e Presidentit edhe një vit pas mandatit. Ai nuk merret me çështjet se çfarë do të bëjë pas një viti, do të ketë mjaftueshëm kohë për atë. Tani për tani ai ështl i përkushtuar ndaj detyrave të tij, të cilat do t’i kryejë deri më 22 dhjetor”, thuhet në përgjigjen e presidencës sllovene.

Gazeta vijon me një sërë kritikash ndaj Pahorit, si një aleat në heshtje dhe i kujdesshëm i Presidentit të Federatës Ruse, Vladimir Putin.

“Sllovenia ka humbur tashmë çdo rëndësi politike në Ballkanin Perëndimor. Një vit më parë u zbuluan ‘non-papers’, të cilat u zbuluan nga Presidenti Pahor në bisedimet jozyrtare me anëtarët e Presidencës së Bosnjës dhe Hercegovinës. Ky ishte fillimi i fundi i çdo roli me ndikim të Sllovenisë në këtë rajon”, tha Zijad Beçiroviç.

Beçiorivç shton gjithashtu se nuk duhet të anashkalohen marrëdhëniet e ngushta personale midis Borut Pahor dhe Presidentit të “Republika Srpska”-s, Milorad Dodik, që nga koha kur Pahor ishte kryeministër slloven.

Në atë kohë ata u takuan disa herë dhe Pahor si kryetar i socialdemokratëve nënshkroi marrëveshjen për bashkëpunim me partinë SNSD të Dodikut, e cila është ende në fuqi.

“Ne mund të rendisim dështimet e tjera të Pahorit në Ballkanin Perëndimor. Me këtë dhe me gabime dhe dështime të tjera, Sllovenia u shkatërrua si faktor në rajon. Thirrja aktuale e Pahorit nuk ka asnjë kuptim,” tha Beçiroviç.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.