Aventura e Mauro Icardi-t te gjigandët turq te Galatasaray mund të mbyllet më shpejtë nga se ishte parashikuar. Klubi është i zhgënjyer nga argjentinasi pasi ai nuk është i fokusuar te skuadra.
Sulmuesi ka probleme martesore me Wanda Nara-n dhe ai ka munguar në një ndeshje për shkak se udhëtoi drejt Argjentinës për zgjidhjen e tyre.
Sipas raportimeve që vijnë nga media turke “A Spor”, klubi nga Stambolli është i gatshëm të futet në bisedime me PSG-në për të rikthyer në Paris sulmuesin pasi ka shfaqur sjellje joprofesionale.
Fillimisht, Icardi ishte lojtar i padiskutueshëm në formacionin e trajnerit Okan Buruk, por mungesa e tij në ndeshjen me Adana Demirspor ka bërë që të “trazohen ujërat” në Stamboll.
Argjentinasi në ndeshjet e radhës pritet të jetë i ulur në stol ose do të qëndrojë në tribunë. Vendin e tij në formacion do e marrë Bafetimbi Gomis.
Icardi kaloi te Galatasaray më 8 shtator të këtij viti. Ai ka luajtur vetëm 28 minuta me skuadrën turke.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Kushtëzimi i BE-së për normalizim të raporteve me Kosovën, “s’mund ta shtyjë” Serbinë ta zbatojë Marrëveshjen Bazë
-
Si arriti Vjosa Osmani t’i fusë 4 gratë e përdhunuara gjatë luftës në Këshillin e Sigurimit përballë Vuçiç
-
Kush është shefi kur bëhet fjalë për mbrojtjen: NATO apo BE?
-
Lëvizja 5 Yjet i kërkon Melonit të ‘merret me Ramën’ dhe të mbrojë Rai-n
