Astronomët mendojnë se vdekja e galaktikave mund të shkaktohet nga përplasjet që ndodhin midis tyre, sipas studimit të Nature Astronomy, të publikuar nga CNN.
Pavarësisht se galaktika të shumta “të vdekura” janë studiuar ndër vite, studiuesit nuk kanë qenë në gjendje t’a shpjegojne saktësisht këtë fenomen.
Ajo që ata me siguri dinë, është që galaktikat fillojnë të “vdesin” kur ndalojnë së formuari yje.
Studimi i “Nature Astronomy” që vëzhgon vdekjen e një galaktike të quajtur “ID2299”, ka treguar se ajo është duke humbur rreth 10 mijë diell vlerë gazi çdo vit. Kjo parashikon që për disa dhjetëra miliona vjet “ID2299” të shuhet komplet.
Për shkak të largësisë së saj prej 9 miliardë dritë vite larg studiuesit hasin vështirësi në grumbullimin e të dhënave. Megjithate ata arritën astësisht të rregjistrojnë një “bisht batice” që është një rrjedhë e gjatë yjesh dhe gazi e shtrirë në hapësirën ndëryjore.
“Bishti baticës” thuhet se formohet po ashtu gjatë përplasjes së dy galaktikave. Bashkimi i dy prej të cilave mendohet të ketë krijuar “ID2299”.
Shumica e astronomëve kanë besuar se vdekja e galaktikave ndodh si rezultat i erërave kur formohen yjet dhe vrimat e zeza.
Megjithatë studimi i ri, mund të jetë duke treguar se vdekja e tyre shkaktohet nga këto përplasje. Bishtat e baticës dhe erërat e shpërthimeve janë shumë të ngjashme me njëra-tjetrën.
Studiuesit thanë në fakt se “erërat” mund të kenë qenë gjatë gjithë kohës “bishtat e baticës” dhe vdekja e galaktikës në të vërtetë të jetë formuar nga këto përplasje.
“Kjo ka çuar që të kërkohet një rivlerësim i studimeve të mëparshme”, thanë studiuesit për CNN./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
