Me arritjen në gjysmëfinalet e Champions-it, duke qenë ekipi i vetëm spanjoll në këtë fazë, Real Madrid-i ka pranuar afro 100 milionë euro bonuse.
Zakonisht, mbi 80 përqind e këtyre bonuseve shpërndahen për futbollistët.
Normalisht, duke e dërguar skuadrën në mesin e katër më të mirave, bonuset për arritjen do jenë të mëdha.
Këshu ndodhi edhe këtë radhë, por futbollistët e Real Madrid-it kanë vendosur të mos i pranojnë këto bonuse.
Pse?
Duke parë situatën me pandeminë, futbollistët e konsiderojnë këtë si ndihmë për skuadrën.
Madje, ka futbollist në klubin madrilen që kanë pranuar edhe uljen e pagës me 10% përkohësisht.
Real Madrid-i është një nga klubet e pakta që vitin 2020 e ka mbyllur me bilanc pozitiv.
Madrilenët dolën 330 mijë euro plus në të ardhurat vjetore, duke mbajtur kështu klubin në gjendje stabile.
Këto iniciativa nga futbollistët, sado pak mund t’i ndihmojnë madrilenët të përgatiten për një merkato të ashpër.
Perez i ka bërë të qartë dy synimet e tij kryesore për verën, të cilët janë Kylian Mbappe dhe Erling Haaland.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
