Futbollisti i Premier Leauge pezullohet për tetë muaj pasi luajti bast

Sulmuesi i Brentford-it, Ivan Toney, është pezulluar nga të gjitha aktivitetet e lidhura me futbollin me efekt të menjëhershëm për tetë muaj dhe është gjobitur me 50 mijë funte për shkeljen e rregullave të basteve.

Federata e Futbollit të Anglisë lëshoi ​​një deklaratë për të konfirmuar lajmin të mërkurën pasdite.

“Ivan Toney është pezulluar nga të gjitha aktivitetet e futbollit me efekt të menjëhershëm për tetë muaj, që do të zgjatë deri në 16 janar 2024. Ai gjithashtu është gjobitur 50 mijë funte dhe është paralajmëruar për sjelljen e tij në të ardhmen për shkelje të basteve”, shkruan FA.

Sulmuesi i Brentford FC u akuzua për 262 shkelje të Rregullit E8 të FA në total midis 25 shkurtit 2017 dhe 23 janarit 2021. FA më pas tërhoqi 30 nga këto shkelje dhe ai pranoi 232 të tjerat.

BREAKING: Ivan Toney has been suspended from all football and football-related activity with immediate effect for eight months, fined £50,000, and warned as to his future conduct for breaches of The FA’s Betting Rules.pic.twitter.com/rr4BziA3vt

— Sky Sports Premier League (@SkySportsPL) May 17, 2023

“Sanksionet e tij u vendosën më pas nga një komision i pavarur Rregullator pas një seance dëgjimore personale. Ai lejohet të kthehet në stërvitje vetëm me klubin e tij për katër muajt e fundit të pezullimit të tij duke filluar nga 17 shtatori 2023”, thuhet më tej në lajmërinin e FA.

“Arsyet me shkrim të Komisionit të pavarur Rregullator për këto sanksione do të publikohen në kohën e duhur dhe FA do të presë t’i shqyrtojë ato përpara se të komentojë më tej”.

Në një deklaratë në faqen zyrtare të Brentford thuhet: “Brentford FC vë në dukje vendimin e një Komisioni Rregullator të pavarur për të lëshuar një ndalim tetë muajsh nga të gjitha aktivitetet e futbollit për Ivan Toney me efekt të menjëhershëm”.

“Ivan u akuzua për shkelje të rregullit E8 të FA dhe pati një seancë personale në fillim të kësaj jave. Brentford aktualisht është në pritje të publikimit të arsyeve me shkrim të Komisionit të pavarur Rregullator. Ne do t’i shqyrtojmë ato përpara se të shqyrtojmë hapat tanë të ardhshëm”, shkruan Brentford.

Në nëntor, reprezentuesi anglez lëshoi ​​një deklaratë duke konfirmuar se ai po ndihmonte organin qeverisës me hetimin e tij pasi u raportua se ai kishte luajtur bastore në lojëra futbolli.

“Unë jam në dijeni të një historie për mua në një gazetë kombëtare sot,” shkroi ai në Twitter.

“Unë kam ndihmuar FA me hetimet e tyre dhe nuk do të bëj asnjë koment derisa një hetim i tillë të ketë arritur në përfundimin e tij”, kishte shkruar Toney.

pic.twitter.com/KT8JDWr8RH

— Ivan Toney (@ivantoney24) November 5, 2022

Sipas rregullave të FA, lojtarët që operojnë në nivelet e Premier League, Ligës së Futbollit, Ligës Kombëtare, Superligës së Femrave dhe Kampionatit të Femrave janë “të ndaluar të vënë baste, drejtpërdrejt ose tërthorazi, në çdo ndeshje futbolli apo kompeticion që zhvillohet kudo në botë”.

Kujtojmë që Toney po e zhvillonte një sezon fantastik me Brentford-in, duke shënuar 21 gola dhe duke dhuruar pesë asistime në 35 ndeshje në Premier Leauge dhe në FA Cup.

Pas paraqitjeve mbresëlënëse, 27-vjeçari u ftua edhe nga Gerath Southgate te kombëtarja e Anglisë për herë të parë.

Gjithashtu kishte edhe shumë oferta në drejtim të tij nga klube të mëdha evropiane, derisa vlera e tij në treg, sipas “Transfermarkt” aktualisht është 50 milionë euro.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.