Futbollistët e Kombëtares Australiane për meshkuj, “Socceroos”, kanë bërë thirrje për reforma në Katar përpara Kupës së Botës muajin e ardhshëm. Lajmi u bë i ditur nga prestigjiozja amerikane “CNN”.

Në një videomesazh nga “Footballers Professional Australia” (PFA) dhe i publikuar të mërkurën e 26 tetorit, australianët i bën thirrje vendit pritës që të njohë dhe legalizojë martesat e të njëjtës gjini. Si dhe nga ana tjetër të përmirësojë të drejtat e punëtorëve emigrantë.

PFA-ja lëshoi ​​gjithashtu një letër të hapur drejtuar Katarit duke shprehur nevojën për reforma.

“Ne po kërkojmë reforma dhe të krijojmë një trashëgimi të qëndrueshme në Katar”, thanë lojtarët në video.

“Këto janë të drejtat themelore që duhet t’u ofrohen të gjithëve dhe do të sigurojnë përparim të vazhdueshëm në Katar, një trashëgimi që shkon përtej Kupës së Botës FIFA 2022″, shtuan ata.

A message from our @Socceroos on the @FIFAWorldCup #SupportingThePlayers pic.twitter.com/bUqW2pne1w

— Professional Footballers Australia (@thepfa) October 26, 2022

Në lidhje me këtë çështje ka reaguar më parë edhe Norvegjia. Në Kongresin e 72-të vjetor të FIFA-s i mbajtur në prill, presidentja  e Norvegjisë, Lise Klaveness, mbajti një fjalim thumbues e cila e cilësoi vendimin për të lejuar Katarin të presë Kupën e Botës si “të papranueshëm” dhe kërkoi që FIFA të mbrojë parimet e saj të të drejtave të njeriut.

Komentet e Klaveness erdhën pasi sindikata botërore e lojtarëve “FIFPRO” dhe një federatë sindikale globale publikuan një letër të hapur që kritikonte Katarin për kushtet e vazhdueshme të këqija të punës për emigrantët në prag të turneut.

Nga ana tjetër e përditshmja britanike “The Guardian” raportoi vitin e kaluar se rreth 6 mijë e 500 punëtorë emigrantë kishin vdekur në vend gjatë 10 viteve të fundit, pas ofertës së suksesshme të Katarit për të pritur turneun. Shumica e të cilëve ishin të përfshirë në punë të rrezikshme me paga të ulëta, të kryera shpesh në temperatura ekstreme.

Raporti u mohua kategorikisht nga organizatorët e turneut si dhe nuk i lidhi të gjitha vdekjet me projektet e infrastrukturës së Kupës së Botës.

Kupa e Botës e vitit 2022 fillon më 20 nëntor dhe zgjat deri më 18 dhjetor. Ndeshja e parë e Australisë është më 22 nëntor kundër Francës.