Lajme

Fundoset varka me emigrantë të paligjshëm, 27 të vdekur në Kanalin Francë-Angli


Të paktën 27 emigrantë që ishin nisur për në Mbretërinë e Bashkuar kanë vdekur në Kanalin pranë Calais pasi varka e tyre u përmbyt. Lajmin e ka bërë të ditur qeveria franceze pasditen e 24 nëntorit.

Kryeministri francez Jean Castex tha se mbytja e anijes ishte një “tragjedi”, duke shtuar se ata që vdiqën ishin viktima të “kontrabandistëve kriminelë”.

Autoritetet franceze dhe britanike po kryejnë një operacion shpëtimi në Kanal nga ajri dhe deti.

Një varkë peshkimi dha alarmin më herët të mërkurën pasi pikasi disa njerëz në det në brigjet e Francës.

Ministri i Brendshëm francez Gerald Darmanin gjithashtu konfirmoi në Twitter se njerëzit kishin vdekur, por ai nuk dha një numër.

Një numër njerëzish besohet se kanë arritur në Britani me varka të vogla të mërkurën, me njerëz që shihen duke u nxjerrë në breg në Dover nga zyrtarët e imigracionit.

Media shtetërore britanike “BBC Newsnight”, raportoi se rreth 25 varka kishin tentuar kalimin deri më tani të mërkurën.

Rojet bregdetare franceze kishin lëshuar një thirrje për fatkeqësinë e majit për 15 persona që ishin hedhur në ujë.

“BBC-së” ka deklaruar më herët se një agjenci ndihme paralajmëroi se ekzistonte rreziku që Kanali mund të shndërrohej në një “varrezë”.

Të hënën, numri i emigrantëve që kanë arritur në Mbretërinë e Bashkuar me anije këtë vit tejkaloi më shumë se trefishin e totalit të vitit 2020.

Më shumë se 1 mijë emigrantë mbërritën në Britani brenda një dite në fillim të këtij muaji – një rekord i ri.

Ngushtica e Dover-it është pika më e ngarkuar e transportit detar në botë dhe ka marrë shumë jetë njerëzish që përpiqeshin të kalonin në Britani me gomone.

Në fillim të kësaj jave, Sekretarja e Brendshme britanike, Priti Patel e përshkroi numrin e emigrantëve të paligjshëm që largohen nga Franca si “të papranueshëm”.

Ajo tha se projektligji i qeverisë për kombësinë dhe kufijtë ishte “zgjidhja afatgjatë” për trajtimin e çështjes “në krye të një sërë pune operative dhe diplomatike”.

/Albanianpost.com


Lajmet kryesore