Ambasada e Kosovës në Tiranë organizoi më 15 Shkurt pritjen e saj zyrtare me rastin e 15-vjetorit të pavarësisë.
Ajo që ra në sy në pritje, ishte mungesa e shumë ambasadorëve të perëndimit në Tiranë dhe politikanëve të rëndësishëm shqiptarë, përveç Presidentit të Republikës, Bajram Begaj, i cili pas kësaj do nisej për vizite zyrtare në Kosovë.
Një protokoll i tillë nuk është parë kurrë gjatë këtyre 15 viteve. Dhe shkaku duket se ka qenë vetë protokolli i Ambasadës.
Nën udhëzimet e Ministres Gërvalla, ambasadori i Kosovës në Tiranë Skënder Durmishi, ka bërë të njohur gjithandej se ndryshe nga ambasadat e tjera të perëndimit, ai e ka ftuar Sali Berishën në pritje, si kreu i Partisë Demokratike dhe opozitës shqiptare.
Kjo megjithatë, ka shkaktuar reagime tek shumë diplomatë të perëndimit në Tiranë, të cilët nuk duan të kenë kontakte me Berishën. Sidomos kjo, sa i takon Ambasadës Amerikane, vend në të cilin Berisha është i përcaktuar si i padëshiruar nga Departamenti i Shtetit (non grata).
Në pritje pikërisht, mungoi ambasada e SHBA-vë, një gjë e paprecedente në historinë e raporteve të Amerikës me Kosovën.
Më tej munguan shumë ambasadorë të Perëndimit përveç atij të Gjermanisë, Austrisë dhe Britanisë së Madhe, të cilët ndoshta nuk kishin informacione për ftesën e bërë ndaj Berishës.
Nga ana e vet ndërkaq, as Berisha vetë nuk ka marrë pjesë në festën e organizuar, pasi ka pasur drojën se mund të “poshtërohej” dhe do ishte i izoluar në ngjarje, duke mos i folur kush.
Por edhe pa shkuar, dëmin ai e shkaktoi!
Mjaftoi ftesa zyrtare e Ambasadës së Kosovës që ai të shkatërronte festën e saj dhe të bënte që të braktisej edhe Kosova për shkak të tij.
Prej kur është shpallur non grata nga SHBA-të dhe Britania e Madhe, Sali Berisha nuk ftohet nga asnjë ambasadë e Bashkimit Evropian, apo nga ajo amerikane dhe nuk merr pjesë në asnjë aktivitet të tyre.
Me sa duket udhëzimet politike të ministres Gërvalla dhe Qeverisë Kurti, të cilët duan të bëjnë politikë me Kosovën, ja arritën ta izolojnë atë në kryeqytetin e shqiptarisë, Tiranë, nga Perëndimi, vetëm për shkak të një emri: Sali Berishës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Zbardhen bisedat e skemës abuzive te Onkologjiku: Mjekët dërgonin pacientët te privati, ilaçet për tumorin i çonin nëpër farmaci
-
BSH: Investimet e huaja në pasuri të paluajtshme rritje me 71%
-
Laboratori i drogës në Frakull, GJKKO jep vendimin për 10 të pandehurit
-
Tatimi për profesionistët e lirë/ Kushtetuesja mbyll shqyrtimin ligjor, vendimi për 30 ditë
Lajmet kryesore
-
Zbardhen bisedat e skemës abuzive te Onkologjiku: Mjekët dërgonin pacientët te privati, ilaçet për tumorin i çonin nëpër farmaci
-
BSH: Investimet e huaja në pasuri të paluajtshme rritje me 71%
-
Presidenti kenian zotohet të rivendosë rendin pas protestave vdekjeprurëse për rritjen e taksave
-
Kurti, delegacionit gjerman: Hulumtoni mundësitë dhe përparësitë që i ofron Kosova për investitorët e huaj