Forca e Sigurisë së Kosovës (FSK), ka kryer një trajnim të premten me ushtrinë turke, i cili është thënë se ka pasur për qëllim ngritjen e kapaciteteve ushtarake.
Lajmi është bërë i ditur përmes një komunikate për media teksa ky s’është trajnimi i parë i FSK-së me ushtrinë turke.
“Trajnimi i realizuar kishte për qellim ngritjen e kapaciteteve ushtarake në nivel të regjimentit dhe rritjen e ndërveprushmerisë me partnerët në fushën e mbështetjes me zjarr për këmbësori të lehtë”, thuhet në komunikatë.
Edhe komandanti i kontingjentit turk Sabri Gokhan Karamursel, ishte ndarë i kënaqur me bashkëpunimin dhe mundësinë për të ndihmuar në ngritjen e kapaciteteve operacionale të FSK-së.
“Ndërsa komandanti i R3K, nënkolonel Ilir Beqiri falënderoi kontingjentin turk për mbështetjen e vazhdueshme për FSK-në, duke shpresuar që ky bashkëpunim do të vazhdoi edhe në trajnime dhe bashkëpunime tjera të përbashkëta”.
Më 7 dhjetor, në dispozicion të Forcës së Sigurisë së Kosovës (FSK) u shtua edhe sistemi turk “OMTAS” për shkatërrimin e tankeve dhe mjeteve të blinduara në një distancë deri në 4 kilometra.
Ministri i Mbrojtjes, Ejup Maqedonci në tetor kishte pritur në ceremoni solemne në takim ministrin e Mbrojtjes së Republikës së Türkiye-s, Yaşar Güler, për vizitë zyrtare në Kosovë.
Maqedonci, kishte thënë se Turqia ka qenë dhe vazhdon të mbetet partner strategjik për Republikën e Kosovës. Ai tha se bashkëpunimi midis Kosovës dhe Türkiye-s është ndërtuar mbi shtylla të forta të parimeve dhe besimit reciprok dhe si i tillë duhet të vazhdojë të thellohet.
Pas takimit, dy ministrat kishin mbajtur konferencë për media, ku ishin vlerësuar lartë marrëdhëniet midis dy shteteve në fushën e mbrojtjes.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rishfaqet qyteti shekullor teksa diga e Filipineve thahet gjatë valës së të nxehtit
-
Të ardhurat e Apple bien më pak nga sa pritej, pavarësisht fillimit të vështirë të vitit
-
14 ditët e fundit të regjistrimit të popullsisë – 1 milionë qytetarë u regjistruan
-
Ekspertët të shqetësuar për variantin e ri KP.2 të COVID në SHBA