![](https://albanianpost.com/wp-content/uploads/2024/06/img_1732-1.jpg)
Komisioni i Disiplinës dhe Etikës në Federatën Shqiptare të Futbollit (FSHF), me një vendin të fundit ka zbuluar se ka vendosur bllokimin e merkatos së Skënderbeut.
FSHF ka marrë masën ndaj Skënderbeut, duke mos e lejuar klubin korçar të regjistrojë lojtarë të rinj për 3 periudha, që do të thotë se merkato verore e këtij viti, ajo e janarit dhe e verës së ardhshme do të jenë të bllokuara për korçarët.
“KF Skënderbeu, për dështim në ekzekutimin e vendimit nr. 20, datë 28.02.2020 të Dhomës Kombëtare të Zgjidhjes së Konflikteve, në bazë të nenit 29/1/c të KDE, vendoset ndalimi i regjistrimit të lojtarëve të rinj për 3 (tre) periudha regjistrimi deri në pagesën e plotë të detyrimit”, thuhet në njoftimin e FSHF-së.
Vendimet e plota të Disiplinës:
1.FC Kinostudio U-15, për sjellje të gabuar të spektatorëve duke sjellë mungesë të rregullit dhe disiplinës në stadium, duke ofenduar dhe fyer lojtarët e ekipit kundërshtar, në bazë të neneve 13/2/b 17/1, 17/2/a, 17/2/b, 17/2/c dhe 17/2/h të KDE, dënohet me gjobë në masën 300.000 (treqind mijë) lekë dhe zhvillimin e 4 (katër) ndeshje pa spektatorë. Sipas nenit 76/1/e të KDE, gjoba të aplikohet në masën 3%.
Lojtari i Arena U-19, Ajsel Gjini, për sulm ndaj zyrtarëve të ndeshjes, në bazë të nenit 14/1/l të KDE, dënohet me 15 (pesëmbëdhjetë) ndeshje pezullim nga veprimtaritë.
Lojtari i Arena U-19, Arxhen Margjokaj, për sulm ndaj zyrtarëve të ndeshjes, në bazë të nenit 14/1/l të KDE, dënohet me 15 (pesëmbëdhjetë) ndeshje pezullim nga veprimtaritë.
Zyrtari i Arena U-19, Endrit Kembaci, për nxitje dhune dhe sulm ndaj zyrtarëve të ndeshjes, në bazë të neneve 14/1/l të KDE, dënohet me 1 (një) vit pezullim nga veprimtaritë.
Flamurtari FC U-16, për braktisjen e ndeshjes së vlefshme të Kategorisë së Parë U-16, kunder FC Kinostudio U-16, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/e të KDE, gjoba të aplikohet në masën 3%.
Pranimin e kërkesës së kërkuesit Shoqata Loel e Futbollit Tiranë. Klubi i Futbollit Tirana, për dështim në ekzekutimin e vendimit nr. 13, datë 19.02.2024 të Dhomës Kombëtare të Zgjidhjes së Konflikteve, në bazë të nenit 29/1/b të KDE, i jepet një afat paralajmërues prej 30 (tridhjetë) ditësh për të ekzekutuar vendimin.
KF Skënderbeu, për dështim në ekzekutimin e vendimit nr. 20, datë 28.02.2020 të Dhomës Kombëtare të Zgjidhjes së Konflikteve, në bazë të nenit 29/1/c të KDE, vendoset ndalimi i regjistrimit të lojtarëve të rinj për 3 (tre) periudha regjistrimi deri në pagesën e plotë të detyrimit.
Rrëzimin e kërkesës së Flamurtari FC U-15 si të pabazuar në Kodin e Disiplinës dhe Etikës.
Kundër vendimit lejohet ankim brenda 3 (tre) ditëve përpara Komisionit të Apelit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com