Franca do të riparojë dëmet në financat e saj publike nga pandemia, duke shmangur masat shtrënguese që do të dëmtonin rritjen ekonomike, sipas një plani fiskal afatgjatë të botuar të enjten e 8 prillit.
Deficiti buxhetor nuk do të bjerë nën 3% të prodhimit të brendshëm bruto deri në vitin 2027, tha ministria e Financave. Progresi mund të kishte qenë më i shpejtë, duke synuar një rënie nën 3% deri në 2025, por kjo do të përfshinte shkurtime të mëdha të shpenzimeve dhe rritje të taksave, tha një zyrtar i ministrisë.
Plani do t’i paraqitet Komisionit Evropian përgjatë këtij muaji.
Franca do të zotohet që të mbajë taksën të pandryshuar dhe do të kufizojë rritjen vjetore të shpenzimeve në 0.7% mesatarisht gjatë planit. Kjo do të ishte më e rreptë sesa rritja mesatare e 1% deri më tani gjatë presidencës së Emmanuel Macron dhe 1.4% para saj, tha zyrtari.
Për të përmbushur ato synime, Franca do të duhet t’i nënshtrohet reformave strukturore duke përfshirë një rregullim të sistemit të saj të pensioneve sapo ekonomia të kthehet në gjendje më të mirë, tha zyrtari. Qeveria synon të vendosë një objektiv shpenzimesh shumë-vjeçare që përfundimisht mund të përfshihet në kushtetutë, shtoi zyrtari.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Rama: Kallëzimi i pabërë i Bardhit iu shit si sapun për djathë italianëve
-
Protesta para Bashkisë Tiranë, policia thirrje që të mos kryhen akte dhune
-
Nëse BE-ja dëshiron të jetë një fuqi globale, ka nevojë për një ‘Big Bang’ dhe 36 anëtarë
-
Perez: BE-ja ta çojë përpara aplikimin e Kosovës dhe ta ndëshkojë Serbinë
