Gjithçka ndodhi sonte në gjysmëfinalen e dytë të Nations League mes Belgjikës dhe Francës.
Të dy skuadrat kanë pasur nga një pjesë më të mirë, duke ofruar spektakël futbolli.
Belgjika ishte shumë më e mirë në pjesën e parë.
Djajtë e kuq e dominuan tërësisht pjesën e parë, dhe dominimi i tyre u shpërblye në minutat 37 dhe 40.
Ishte fillimisht Yannick Ferreira Carrasco ai që shënoi shumë bukur në këndin e poshtëm të Lloris.
Pas tre minutave, Romelu Lukaku vuri në pah aftësitë e tij me një gol shumë të bukur.
Me atë rezultat u mbyll edhe pjesa e parë.
Në pjesën e parë, e pamë një Francë krejtësisht tjetër.
Gjelat e nisën në sulm atë pjesë, dhe e përfunduan ashtu, duke arritur një rikthim historik.
U desh minuta e 62-të për të parë golin e parë të gjelave.
Njeriu më në formë i momentit, Karim Beznema, përsëri gjeti rrugën e rrjetës.
Sulmuesi i Real Madrid-it shfrytëzoi një asistim të Kylian Mbappe për të quar fundin e rrjetës me një rikthim shumë të mirë.
Shtatë minuta më vonë, në të 69-ën, gjithça u barazpeshua.
Penalltinë e akorduar nga VAR, Mbappe e konvertoi në gol.
VAR ishte përsëri protagoniste në fund, duke i anuluar për pozitë jashtë lojë golin e 3-2, Romelu Lukaku-t.
Kur u duk se gjithçka po i drejtohej vazhdimeve, në skenë u ngjit mbrojtësi i Milan, Theo Hernandez.
Theo shënoi një super gol për t’i dhuruar fitoren e madhe Francës në një natë historike.
Franca do të ndeshet në finale me Spanjën, të dielën me fillim në orën 20:45.
Kurse Belgjika do të përballet me Italinë kampione të Evropës në ndeshjen për vendin e tretë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Shkarkohet nga detyra Agron Zhukri, gjyqtari që i dha PD-në Berishës
-
Irani dhe Izraeli duket se po e minimizojnë rëndësinë e goditjes izraelite
-
Hipoteza e tradhtisë së brendshme ose një sulmi simbolik: Çfarë dihet për sulmin në Iran
-
Kurti në 11 vjetorin e marrëveshjes Kosovë-Serbi thotë se dakordimi i tij me Vuçiç-in adreson gjetjet e Kushtetueses për Asociacionin