Një koalicion prej 11 kombesh do të fillojë trajnimin e pilotëve ukrainas për të fluturuar me avionë luftarakë F-16 në gusht në Danimarkë dhe një qendër trajnimi do të ngrihet në Rumani, thanë zyrtarët të martën në margjinat e një samiti të NATO-s në Lituani.
Lajmi u bë i ditur nga agjencitë “Reuters” dhe “AFP”.
Anëtarët e NATO-s, Danimarka dhe Holanda kanë udhëhequr përpjekjet ndërkombëtare për të trajnuar pilotët, si dhe stafin mbështetës, mirëmbajtjen e avionëve dhe përfundimisht mundësojnë furnizimin e Ukrainës me F-16 në luftën e saj me Rusinë.
“Shpresojmë se do të jemi në gjendje të shohim rezultate në fillim të vitit të ardhshëm”, u tha gazetarëve ministri në detyrë i mbrojtjes i Danimarkës Troels Lund Poulsen pas një ceremonie nënshkrimi.
Deri më tani, asnjë vend nuk është zotuar të dërgojë F-16 në Ukrainë, megjithëse Polonia dhe Sllovakia kanë furnizuar 27 MiG-29 për të plotësuar flotën e avionëve luftarakë të Ukrainës.
Kievi, i cili ka nisur një kundërofensivë kundër forcave ruse, ka kërkuar vazhdimisht që vendet perëndimore të furnizojnë avionë dhe të trajnojnë pilotët e tij për t’i drejtuar ato, për të kundërshtuar me sukses dominimin ajror të Moskës.
Në samitin, që do të përfundojë të mërkurën, krerët e NATO-s ranë dakord se e ardhmja e Ukrainës qëndron brenda aleancës, por nuk i dhanë Kiev-it ftesën ose kohën për pranim që vendi ka kërkuar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Nga padia shtetërore për gjenocid institucionet “tkurren” në padi civile për Serbinë në Këshillin e Evropës
-
Lejuan ndërtimin e paligjshëm në Patok, arrestohet drejtori i IMT-së në Kurbin dhe pezullohen inspektorët
-
Thaçi: Kam informacione se Kurti do ta mbështesë Pendarovskin në raundin e dytë të zgjedhjeve presidenciale
-
Sipas NYT, Gjykata e Hagës po përgatit urdhërarreste për liderët e Hamasit dhe Izraelit
Lajmet kryesore
-
Dokumentari i Rai 3: Ironi dhe akuza në Kuvendin e Shqipërisë
-
Basha drejtuar deputetëve: Të mbështesim amendamentet pro SPAK-ut dhe kundër korrupsionit
-
Rafahu nuk është Stalingradi i Gazës – është një tjetër manipulim nga Netanyahu
-
Nga padia shtetërore për gjenocid institucionet “tkurren” në padi civile për Serbinë në Këshillin e Evropës