![](https://albanianpost.com/wp-content/uploads/2022/01/EtQUZoGWgAUM1o1.jpg)
Sajdi i njohur i vlerësimit të kartonave të lojtareve të futbollit, “Transfermarkt”-i, ka publikuar listën e lojtarëve më të vlefshëm në Serie A italiane.
Në bazë të vlerës së futbollistëve në rolet përkatëse është përcaktuar edhe 11-ja më e shtrenjtë, aktuale në Serie A. Ne total, kap shifrën e 628 milionë eurove.
Inter-i është skuadra e vetme që përfaqësohet nga tre lojtarë. Më pas vijnë Juventus-i, Milan-i dhe Napoli me nga dy lojtarë. Lacio dhe Fiorentina përfaqesohën me nga një lojtar.
Sulmuesi i Inter-it, Lautaro Martinez-i është futbollisti më i shtrenjtë në Serie A. Sipas “Transfermarkt” vlera e argjentinasit është 80 milionë euro.
Formacioni më i shtrenjtë, skema 4-4-2:
Portier: Mike Maignan, Milan: 25 milionë euro
Mbrojtës i djathtë: Giovanni di Lorenzo, Napoli: 25 milionë euro
Mbrojtës qendre: Matthijs de Ligt, Juventus dhe Milan Skrinar, Inter: 65 milionë euro
Mbrojtës i majtë: Theo Hernandez, Milan: 48 milionë euro
Mesfushor i djathtë: Federico Chiesa, Juventus: 70 milionë euro
Mesfushor qendre: Sergej Milinkovic-Savic, Lazio dhe Nicolo Barella, Inter: 70 milionë euro
Mesfushor i majtë: Hirving Lozano, Napoli: 40 milionë euro
Sulmues: Lautaro Martinez, Inter: 80 milionë euro dhe Dusan Vlahovic, FIorentina: 70 milionë euro
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com