“Forever Shattered”, një dokumentar i ri kushtuar krimeve seksuale të Hamasit në Izrael

Kompanitë diskografike, Federation Studios dhe Ananey Studios, me bazë në Tel Aviv të Paramount, po bashkojnë forcat për të prodhuar “Forever Shattered” – një dokumentar hetimor mbi krimet seksuale të kryera nga Hamasi gjatë sulmit të tij të 7 tetorit në Izrael.

“Forever Shattered” është drejtuar nga Benoit Bringer, një regjisor dhe gazetar hulumtues i cili më parë ka drejtuar dokumente duke përfshirë The Rise of Wagner”, “The Caviar Connection” dhe “Panama Papers: The Hold-Up of the Century”.

Ky dokumentar i ri do të shfaqë skena të bazuara në fakte se si Hamasi ka përdorur përdhunimin dhe terrorin seksual si armë lufte, duke shkaktuar trauma fizike, emocionale dhe psikologjike mbi gratë, fëmijët dhe burrat.

Sulmi i grupit terrorist në Izrael më 7 tetor rezultoi në rreth 1 mijë e 200 të vdekur dhe 250 pengje, shkruan Variety, transmeton AlbanianPost.

Gjatë sulmit dhe më pas, raste të panumërta të dhunës seksuale, veçanërisht ndaj grave dhe vajzave, u raportuan dhe u dokumentuan në Festivalin e Muzikës Supernova.

Dokumentari do të gërmojë në këto ngjarje përmes hulumtimeve dhe hetimeve, ndërsa ndjek udhëtimet e viktimave drejt shërimit.

“Pas 7 tetorit, një betejë për të vërtetën filloi në Izrael: një mision historik për të dokumentuar në mënyrë të pavarur atë që ndodhi, veçanërisht me gratë, gjatë kësaj dite terrori”, tha Bringer në një deklaratë.

“Projekti heton kërkimin jashtëzakonisht të vështirë për të vendosur fakte dhe për të ndërgjegjësuar botën për krimin me bazë gjinore si një armë lufte”, shton ai.

Bringer është anëtar i ekipit të Konsorciumit Ndërkombëtar të Gazetarëve Hulumtues (ICIJ) që mori çmimin “Pulitzer” për hetimin e Panama Papers.

Përpara se të bëhej një regjisor i pavarur, Bringer mbuloi luftën kundër talebanëve në Pakistan dhe Afganistan për radion publike franceze dhe kanalin televiziv publik franko-gjerman Arte.

7 tetori ka qenë gjithashtu objekt i një dokumentari të titulluar ” “Supernova: The Music Festival Massacre”, i cili kronikante sulmin e kryer nga Hamasi në festivalin ku 3 mijë e 500 njerëz nga shumë vende u mblodhën disa kilometra larg Rripit të Gazës.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.