Fitorja me Ukrainën, Sylvinho: Kundërshtar i fortë, bëmë ndeshje të mirë

Pas triumfit të Shqipërisë ndaj Ukrainës, 2-1, në Nations League trajneri Sylvinho ka folur për mediat duke dhënë prononcimin e tij rreth ndeshjes.

Sylvinho vlerësoi ekipin ukrainas, por nga ana tjetër theksoi se kuqezinjtë bënë një ndeshje të mirë dhe nuk e humbën mendjen pas golit të pësuar.

“Një fitore shumë e rëndësishme, kujtoj që fitorja e fundit zyrtare ishte ndaj Çekisë prej shumë kohësh. Është e vërtetë që grupi ishte i vështirë në Evropian por fitorja është shumë e mirë, kemi bërë shumë mirë dhe është e merituar”, tha braziliani fillimisht.

“Është e vështirë të punosh për të, që të arrish të përmbysësh një ndeshje është një përqindje shumë e vogël suksesi, sidomos në këto nivele”.

“Kundërshtarët janë shumë teknikë, një kundërshtar i fortë. Ne bëmë një ndeshje të mirë, nuk humbëm toruan, ndoshta pasi pësuam golin për 5 minuta ishim keq”.

“Por sa i përket të ardhmes në turne, kjo fitore ishte kyç për të ecur para, se Gjeorgjia dhe Çekia janë shumë të fortë”.

“Ndryshime me Gjeorgjinë? Të shohim, është ende situatë e nxehtë, sapo kemi mbaruar një ndeshje të vështirë me shpenzim fizik të rëndësishëm”.

“Nesër stërvitjen e kemi këtu e kthehemi në darkë në Tiranë. Nesër të shohim se si janë lojtarët, të shohim, ka pak kohë nga ndeshja e parë në të dytën. Por duhet të shohim deri në fund për të kuptuar nëse duhen bërë zëvendësime dhe sa”, vijoi trajneri brazilian.

Prononcimet pas ndeshjes

Pas ndeshjes, Ismajli u shpreh: “E kemi ditur që (Ukraina) është skuadër shumë e fortë fizikisht, nuk ka shumë dallim nga Çekia. Por me një taktikë të jashtëzakonshme dhe luftë të paparë, duke ndihmuar njëri-tjetrin. Besoj  që e kemi merituar këtë fitore, mendoj se është speciale se hera e parë që mundim Ukrainën”.

“E rëndësishme ishte të dalim me tre pikë në një transfertë të vështirë. Tani mbetet të rikuperojmë dhe të martën të mendojmë për një ndeshje si Gjeorgjia që ka bërë ndeshje të madhe kundër Çekisë”.

“Këtë gol e fitoreje ia kushtoj familjes që ka vuajtur shumë, do i bëjmë krenarë të gjithë shqiptarët dhe familje time”, theksoi mbrojtësi kuqezi.

Më pas, ishte radha e Kristjan Asllanit për të folur rreth ndeshjes. Mesfushori i Inter-it tha: “Kjo është një fitore jashtë shtëpisë me një ekip që shumë mirë futbolli. Kishim shumë pa një fitore. Jemi të lumtur e të shohim para se kemi një ndeshje të vështirë të marten”.

“Na ndihmon shumë kjo fitore se ishte ndeshja e parë dhe kur e nis mirë jemi një hap para. E dinim që ishte e vështirë, por provuam të bënim futbollin tonë. Mund të bënim më shumë me topin por morëm tre pikë dhe nuk ra shumë në sy”.

“Jemi shumë të lumtur se edhe brenda e menduam pak dhe kishim që me Çekinë që nuk fitonim, na duhej dhe jemi të lumtur”, vijoi Asllani.

Forcë dhe karakter, Shqipëria fiton me përmbysje ndaj Ukrainës

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.