Formacioni i Festivalit UNUM 2024 për këtë vit krenohet me një listë të gjerë artistësh të njohur duke përfshirë Ricardo Villalobos, Boris Werner, Cassy dhe shumë të tjerë që përfshijnë zhanre të ndryshme të muzikës elektronike si house, techno dhe minimal. Formacioni premton një eksperiencë muzikore të paharrueshme në Shëngjinin piktoresk të Shqipërisë.
UNUM është një udhëtim unik muzikor, në parajsën e fshehur të Ranës së Hedhun.
Festivali është rikthyer në qytetin e Shëngjinit në bregdetin e bukur të Shqipërisë nga data 6 deri në 11 qershor.
Festivali UNUM është i ndryshëm nga festivalet e tjera. Ai ndërton një ndjenjë të vërtetë të komunitetit midis njerëzve që kanë të njëjtin mendim. Gjithashtu përfshin mbi gjashtë ditë muzikë të pandërprerë në vende ekskluzive.
Gjatë ulje-ngritjeve ritmike të festivalit, vizitorët mund të zgjedhin rrugën e tyre. Qoftë vallëzimi në një plazh në agim, bredhja nëpër pyjet e bukura të Pishave, ose mësimi për historinë e qytetit dhe kulturat dhe traditat e shumta që jetojnë atje, ka diçka për të gjithë.
Biletat për Festivalin UNUM tashmë janë në shitje.
Nuk ka kufizime në zhurmë ose kohë, vetëm shumë liri për të lëvizur, për të shijuar dhe për të parë pamje, tinguj dhe skena të reja. Gjithçka me njerëz nga e gjithë bota dhe shumë vendas e bën pistën e kërcimit edhe më interesante.
Kujtojmë që UNUM ishte eventi i parë që u zhvillua pas COVID-19, duke fituar shpejt zemrat e adhuruesve të muzikës underground me edicionet e para.
Edicioni i saj i tretë rifilloi zyrtarisht skenën e festivaleve evropiane si ngjarja e parë që u zhvillua në mënyrë të sigurt pas pandemisë fillestare COVID.
Është një festival për të gjitha shqisat – bukurinë natyrore të perëndimit, nxehtësinë e diellit dhe kulturën vendase që pasuron shpirtin që e bën të gjithë ngjarjen një eksperiencë shumëngjyrëshe udhëtimi, si dhe eksperiencë muzikore që sheh përpara.
Është një cep i qetë i Evropës në qytetin e Shëngjinit, në bregdetin idilik shqiptar, me sfonde malore, plazhe të gjata me rërë ari dhe peizazhe që ndihen miliona milje larg jetës së përditshme.
Ai mundëson muzikë të pandërprerë gjatë gjithë ditës dhe natës, si dhe një përzgjedhje të shkëlqyer të sporteve ujore të mrekullueshme, ushqime dhe pije të këndshme lokale dhe shumë gjire dhe zona të izoluara pyjore për t’u eksploruar.
Marrë nga The Groove Cartel, përshtatur për Albanian Post
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
