Ka përfunduar një festivalet kulturore më unike të Seulit – Festivali i Fenerëve, i cili kishte ndriçuar rrugët e kryeqytetit të Koresë së Jugut për të 13-tin vit radhazi, duke kënaqur të pranishmit, vendas e turistë.
Festivali i Fenerëve të Seulit nisi më 26 nëntor për të ndriçuar qendrën e qytetit me më shumë se 80 fenerë letre, për një periudhë 10-ditore deri më 5 dhjetor – bazuar në të dhënat e Qeverisë Metropolitane të Seulit dhe Organizatës së Turizmit të Seulit (STO ).
Motoja e sivjetme ishte një temë që synon të shërojë dhe t’u japë paqe qytetarëve pas një periudhe shumë të vështirë me Coronavirus.
Njerëzit duke vizituar Festivalin e 13-të të Fenerëve të Seulit në zonën Cheonggyecheon.Pasi u nda në katër lokacione të ndryshme vitin e kaluar për shkak të pandemisë, këtë vit festivali u kthye në shtëpinë e tij përgjatë Përroit Cheonggye që përshkon qendrën e Seulit.
Me kthimin e turizmit në Korenë e Jugut, festivali është mbajtur në respektim të rreptë të rregullave të karantinës, ndërsa vizitorët është dashur t’i nënshtrohen kontrolleve të temperaturës së trupit dhe regjistrimit përpara se të lejoheshin të hyjnë.
Organizatorët kishin zhvilluar gjithashtu një version virtual të këtij festivali, i disponueshëm në internet, i cili u lejonte të ftuarve të vizitojnë 10 ekspozita të ndryshme duke përdorur teknologjinë AR.
Në fillim të këtij viti, bordi i turizmit të Seulit priti një konkurs mbarëkombëtar të fenerëve prej letre për një hyrje të veçantë në festival. Feneri fitues me temë pylli është paraqitur së bashku me 82 paraqitjet e tjera.
Përveç që ofrojnë dritë gjatë ditëve më të shkurtra të dimrit, fenerët prej letre përfaqësojnë ardhjen e periudhës festive në kulturën koreane.
Sipas tyre është një kohë kur njerëzit mund të harrojnë problemet e jetës për një kohë të shkurtër dhe të kënaqen me aktivitete argëtuese.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Petrit Halilaj, ylli që po shkëlqen në arenën artistike ndërkombëtare, sipas The New York Times
-
Airbnb lançon shtëpitë e reja “Icons”, të ngritura lart në qiell që ofrojnë eksperienca të veçanta
-
Udhët e diellit: Midis botës së artit dhe jetëve njerëzore
-
“Dress for charity” – art dhe mode per bamirësi
Lajmet kryesore
-
Veliaj pretendon sërish se ‘takimin me SPAK e ka kërkuar vetë’
-
Ngjarja tragjike në Shkodër, gjendet trupi i fëmijës së dytë
-
Universiteti Columbia në New York anulon ceremoninë kryesore të diplomimit, për shkak të protestave në Gaza
-
Kurti, ambasadorëve të QUINT-it: Normalizimi i marrëdhënieve me Serbinë s’duhet të përzihet me anëtarësimin e Kosovës në KiE
