Ferdinand kritikon ashpër Ten Hag-un – “Si mund ta lësh në bankë rezervë një lojtar që ka fituar pesë Liga të Kampionëve”
Manchester United u turpërua nga Manchester City, duke u mposhtur me rezultat 6:3.
Ish-futbollisti i United-it, Rio Ferdinand, i cili tashmë është analist në “Sky Sport”, ka kritikuar ashpër trajnerin e “djajve të kuq”, Erik ten Hag-un.
Ferdinand tha se nuk mund ta kuptojë trajnerin holandez për mos inkuadrimin nga minuta e parë të mesfushorit brazilian, Casemiro-s.
“Ndërkohë që Casemiro qëndronte në bankë rezervë, duhej të ketë menduar: ‘Kam fituar pesë Liga të Kampionëve’”, tha Ferdinand.
“Ai është një mesfushor shkatërrues fantastik, një nga më të mirët në boë në rolin e tij. Nuk e kuptoj Ten Hag-un si mundi mos ta inkuadronte që nga fillimi”, shtoi ish-mbrojtësi i Anglisë.
“Ai luante gjithnjë me Real-in, nuk e kuptoj pse ende nuk i ipet mundësia për t’i treguar vlerat e tij, por deri më tani luan nga fillimi vetëm në Ligën e Evropës”.
“Ten Hag duhet të luajë me Casemiro-n në formacionin titullar”, tha mes tjerash Rio Ferdinand.
Kujtojmë që Casemiro u transferua në Manchester United këtë verë nga Real Madrid-i për 70 milionë euro.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ekskluzive: Albanian Post publikon sondazhin e fundit të realizuar në Kosovë – veç përqindjeve të partive, edhe shumë të dhëna të tjera
-
Gjykata Kushtetuese rrëzon ligjin për tatimin e profesioneve të lira
-
A mund të dërgojë vërtet Kim ushtarë të Koresë së Veriut për të ndihmuar rusët në Ukrainë?
-
Sveçla: Koha kur veriu kontrollohej nga strukturat terroriste të Serbisë ka përfunduar