Të dielën, Italia dhe Uellsi ishin emrat që avansuan tutje në fazën me eliminim nga grupi A.
Sot, këta emra do të mësohen edhe për grupin B dhe C.
Në këto dy grupe, nga një skuadër dihet, kurse ka mbetur që të zgjidhet edhe vendi i dytë.
Në grupi B, Belgjika avansoi tutje pas fitores kundër Danimarkës.
Kurse, në luftë janë ende Rusia dhe Finlanda dhe Danimarka.
Belgjika përballet me Finlandën, kurse Rusia dhe Danimarka është takimi i tjetër.
Cilat janë mundësitë?
Nëse Belgjika fiton përballë Finlandës, dhe Danimarka fiton përballë Rusisë, tre skuadra do të kenë të njëjtën kuotë pikësh.
Atëherë, vendi i dytë do të vendosej nga një sistem i veçantë, që sheh goldallimin e tre skuadrave në ndeshjet me njëra-tjetrën.
Nëse të dy ndeshjet përfundojnë barazim, situata mbetet e njëjtë, me Rusinë që kualifikohet si e dyta, për shkak të fitores në ndeshjen direkte me Finalndën.
Në rast se Finlanda fiton, por edhe Danimarka, finlandezët përfundojnë në vendin e parë, kurse Belgjika në vendin e dytë.
Çdo tjetër kombinim, kualifikon skuadrën me rezultat më të mirë nga dyshja Finlandë – Rusi.
Grupi C
Holanda është kualifikuar në raundin tjetër, si e para.
Fitorja në ndeshjet direkte përballë Austrisë dhe Ukrainës do të thotë që tulipanët nuk mund të humbin vendin e parë në asnjë skenarë.
Vendi i dytë mbetet të zgjidhet mes Ukrainës dhe Austrisë në ndeshjen direkte.
Maqedonia e veriut është e eliminuar, dhe ndeshjen e fundit e luan përballë Holandës, thjesht për statistikë.
Skuadrat e përfshira në të dy grupet, do të mendojnë edhe për vendin e tretë, që i kualifikon katër më të mirat e gjashtë skuadrave të treta.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com