Një incident i rëndë është regjistruar të hënën e 18 korrikut në burgun e Durrësit, pasi është vetëvarur një 44-vjeçar me iniciale R.H.
Viktima vuante një dënim prej 14 vitesh për vrasje.
Shkak për vetëvarjen, sipas të dhënave paraprake, kanë qenë kushtet e rënduara të personit, i cili vuante edhe nga probleme të shëndetit mendor.
Ngjarja ka ndodhur në qelinë e tij në burgun e Durrësit.
Menjëherë pasi është konstatuar nga efektivët, i burgosuri është përcjellë me urgjencë për në spital ku edhe ka gjetur vdekjen më pas.
Strukturat e posaçme janë duke kryer hetimet e nevojshme për të mësuar detajet e këtij incidenti.
Më 4 maj të këtij viti, në Komisariatin e Policisë “Kavajë”, një 31-vjeçar u gjet i vetëvarur në dhomat e izolimit.
Ndërsa më 28 mars, shtetasi Arben Mici dyshohej se i vuri zjarrin qelisë në Komisariatin e Kamzës ku për pasojë humbi dhe jetën nga plagët e marra.
Sipas një raporti të fundit të Këshillit të Evropës (SPACE I – 2021), burgjet në Shqipëri kanë një nga nivelet më të larta të vetëvrasjeve në Evropë, krahas vendeve si Franca, Britania dhe Italia.
Raporti SPACE I – 2021, rendit 49 administrata të ndryshme burgjesh në të gjithë Evropën.
Më 31 janar të vitit 2021, në institucionet penale të Këshillit të Evropës ishin 1 milion e 414 mijë e 172 të burgosur.
Shkalla e vdekshmërisë në burgjet evropiane në vitin 2020 ishte 29 të burgosur për 10 mijë të tillë.
Ndërsa ajo e vetëvrasjeve ishte 5.7 të burgosur për 10 mijë të tillë.
Burgjet shqiptare dëshmuan 10 vetëvrasje për 10 mijë të burgosur.
Kjo statistikë e rendit Shqipërinë në vendet me shkallë shumë të lartë të vetëvrasjeve në burgje (25 për qind më e lartë se mesatarja evropiane).
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ranucci tregon pse nuk u transmetua pjesa e dytë e ‘Report’ për Shqipërinë
-
BE dënon sulmin ndaj gjyqtarit Tonin Stërkaj
-
Celibashi i bën thirrje Kuvendit të vendosë për votën e diasporës
-
“European Pravda”: Bislimi s’e përdori fjalinë “gati për luftë” në asnjë rast, pavarësisht se u pyet specifikisht për mundësinë e luftës