Lajme

Familjarët në zi për fëmijët e vrarë në shkollën e Texas-it


Ishte skenë kaosi, konfuzioni dhe dhimbjeje.

Ulërimat e dhimbshme të anëtarëve të familjes dëgjoheshin nga parkingu i shkollës, ku 19 fëmijë dhe dy të rritur u vranë nga të shtënat me armë zjarri në Texas.

Një adoleshent i armatosur, të martën pasdite, hapi zjarr ndaj fëmijëve dhe mësuesve në Uvalde, Texas.

U kthye në sulmin më vdekjeprurës në një shkollë amerikane në një dekadë.

Akti tronditës i dhunës, që dërrmoi një qytet tjetër amerikan, ka nxitur sërish thirrje për kontroll më të madh të armëve në të gjithë vendin.

Kur u përhap lajmi, prindërit prisnin në ankth nëse fëmijët e tyre ishin të sigurt.

“Askush nuk po më thotë asgjë”, ka thënë Ryan Ramirez, prind i një nxënësi të klasës së katërt.

“Njëri prej prindërve po thoshte se ndoshta ka fëmijë që mbahen në morg. Kjo më solli këtu, për të zbuluar se çfarë po ndodh”, ka vijuar ai.

Po përpiqet të zbulojë se ku ndodhet fëmija i tij.

Greg Abbott, guvernatori i Texas-it, ka thënë se 600 fëmijët që ndoqën shkollën fillore ishin të moshës nga pesë ose gjashtë deri në rreth 12 vjeç.

Të mbledhur në një qendër lokale, familjarët e shqetësuar iu drejtuan mediave sociale për të vajtuar dhe për të bërë lutje të dëshpëruara për ndihmë për gjetjen e fëmijëve të humbur.

Në mbrëmje, emrat e të vrarëve gjatë sulmit të së martës në shkollën fillore Robb nisën të dilnin.

“Ajo nuk është më mes nesh”. Këto ishin fjalët e një burri që po largohej duke i dhënë lajmin e hidhur familjarëve.

Edhe Manny Renfro, të martën, u lajmërua se nipi i tij, tetë vjeçari Uziyah Garcia, ishte në mesin e të vrarëve.

“Djali i vogël më i ëmbël që kam njohur ndonjëherë. Dhe nuk po e them këtë vetëm se ishte nipi im”, ka thënë ai.

Vrasjet vijnë më pak se 10 ditë pasi një person i armatosur, i cili postoi fjalë raciste në mediat sociale, vrau dhjetë njerëz me ngjyrë në një dyqan në Buffalo, New York.

Në Texas, janë ndër më pak kufizueset në vend.

“Nuk ka asnjë limit moshe minimale për fëmijët që të posedojnë armë zjarri në Texas”, ka thënë John Rosenthal, nga një grup që punon për parandalimin e dhunës me armë përmes edukimit, ndërgjegjësimit të publikut dhe zbatimit efektiv të ligjit.

Në Shtetet e Bashkuara të Amerikës, mesatarisht dhjetë të shtëna masive kanë ndodhur këtë vit, duke përfshirë 27 incidente në shkolla.

Atje, me rreth 390 milionë armë në pronësi të civilëve dhe me pak kufizime efektive në zotërimin e armëve, tmerri në Uvalde ka të ngjarë të përsëritet.

Sondazhet kanë treguar se shumica e amerikanëve favorizojnë ligje më të ashpra për armët, por përpjekjet për të miratuar legjislacionin kombëtar për armët janë bllokuar vazhdimisht nga republikanët dhe disa demokratë në Kongres.

“Duhet të kemi më shumë kufizime, veçanërisht nëse këta fëmijë nuk janë në gjendjen e tyre të duhur mendore dhe gjithçka që duan të bëjnë është thjesht të lëndojnë njerëzit, veçanërisht fëmijët e pafajshëm që shkojnë në shkolla”, ka thënë Lisa Garza, nga Texas-i.

Edhe kushëriri i saj ishte në mesin e fëmijëve të vrarë.

“Ai ishte thjesht një djalë i dashur 10-vjeçar, thjesht duke shijuar jetën, pa e ditur se kjo tragjedi do të ndodhte”, ka thënë ajo.

Marrë nga “Aljazeera”, përshtatur për “Albanian Post”.

/Albanianpost.com


Lajmet kryesore