Vizita e Kancelares së Gjermanisë, Angela Merkel, në Tiranë – e fundit në këtë post për të – ka rrokur gjithë vëmendjen e mediave jo vetëm në Shqipëri, por edhe në rajon, pasi pjesëmarrës do të ishin të gjashtë kryeministrat e vendeve të Ballkanit Perëndimor.
Përtej mesazheve të qarta mbi zhvillimin e “Procesit të Berlinit” dhe “Open Balkan”, vëmendje mediatike morën edhe disa ngjarje anësore të ndodhura këtë 14 shtator.
Një gazetar malazez, Aleksandar Brezar, ka pretenduar se kryeministri i vendit të tij, Zdravko Krivokapić, nuk është lejuar të futet në Shqipëri, sepse nuk kishte testin PCR kundër COVID-19. As pasaportë vaksimi sipas Brezar, kryeministri nuk kishte. Për këtë shkak, ai u ndalua në kufi me Shqipërinë në pretendimet e gazetarit.
Mirëpo, drejtori i Komunikimit pranë Kryeministrisë, Endri Fuga, e ka përgënjeshtruar këtë lajm.
Për Albanian Post, ai ka thënë se gazetarët kanë hedhur video të makinave në kufi. Por, Krivokapić, ka zgjedhur rrugën ajrore për të ardhur në Tiranë.
Fuga e ka cilësuar “fake news” të gjithë lajmin duke u shprehur se është e pamundur që vizita e një kryeministri të ndalohet në një mënyrë të tillë.
Një ngjarje tjetër, e cila nuk u mediatizua shumë, ishte edhe revolta e disa gazetarëve nga Kosova. Ata ishin pjesë në konferencën e përbashkët të Kryeministrit të Shqipërisë, Edi Rama dhe homologes së tij gjermane, Merkel.
Për shkak të agjendës së kancelares, pak pyetje u lejuan të bëhen në drejtim të të dyve. Për këtë arsye, gazetarët nga Kosova janë revoltuar fillimisht, duke iu drejtuar Ramës se “janë edhe ata aty”.
Kryeministri replikoi menjëherë, duke i bërë të ditur se për ta ai është aty, por kancelarja ka agjendën e saj. Ndërsa gazetarët, menjëherë më pas, kanë thyer kufjet e përkthimit në shenjë proteste.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Forcat izraelite thonë se kanë nën kontroll anën lindore të Gazës, në kalimin Rafah
-
Meta mbledh Kryesinë e PL-së, merr zotim të çlirojë administratën nga korrupsioni dhe nepotizmi
-
Aksioni policor në Tepelenë zbulon shtëpinë e barit me mbi 230 rrënjë kanabis, shoqërohen 4 persona
-
Këlliçi çon Veliajn në SPAK, për lidhje me Ndrangheta-n
Lajmet kryesore
-
Kurti e di që dëmi i Zajednicës e eklipson çdo përfitim nga anëtarësimi në KiE
-
Azerbajxhani miraton heqjen e vizave me Shqipërinë
-
Osama Hamdane: Ne pranuam marrëveshjen e armëpushimit pa hequr dorë nga vijat tona të kuqe
-
Maqedonci kërkon që KFOR-i të qëndrojë në Kosovë derisa Serbia të demokratizohet